2022 йилнинг 1—2 март кунлари Uzbekistan Airways’нинг учта самолёти билан 677 нафар Ўзбекистон фуқароси Польшанинг Катовице аэропорти орқали Украинадан эвакуация қилинди. Бу ҳақда Ташқи ишлар вазирлигининг расмий вакили хабар берди.
2 март ҳолатига кўра, умумий ҳисобда Украинадан Польша ҳудуди орқали бешта авиарейслар билан 1 186 нафар Ўзбекистон фуқароси олиб келинган.
Бугун яна иккита эвакуация қатновини ташкил этиш режалаштирилган. Биринчи рейс Тошкент шаҳридан соат 07:00 да учиб кетган бўлса, кейингиси соат 10:00 да парвоз қилади.
Польша ҳудудида мамлакатнинг 800 дан ортиқ фуқароси қолмоқда. Улардан 350 нафари Польша давлат чегарасидаги тўпланиш нуқтасига, 450 нафари эса Катовице аэропортига жойлаштирилган.
Ўзбекистоннинг Украинадаги элчихонаси томонидан жанговар ҳаракатлар кетаётганига қарамай, фуқароларни эвакуация қилиш ишлари давом эттирилмоқда.
Ўзбекистоннинг Польша ва Украинадаги дипломатик ваколатхоналари узлуксиз тартибда ишламоқда. Фуқаролар учун иссиқ овқат етказилиб, зарур ҳолларда тиббий хизматлар кўрсатилмоқда.
Ўзбекистоннинг Украинадаги элчихонаси рақамлари:
- +380 44 501 50 00,
- +380 44 501 41 81,
- +380 44 501 41 82,
- +380 44 501 41 83.
- Маъруф Каримов («Карчова» назорат-ўтиш пунктида): +48 508 064 333; Telegram: +99893 5947557.
- Асқар Бекназаров (Катовице шаҳри аэропортида): +48 508 995 888; Telegram: + 99890 1160084.
- Сардор Аҳматов (элчихонада): +48 502 501 588: Telegram: + 99894 6541010.
- 1164 ва @Miduzbshtab Telegram-канали
Изоҳ (0)