Сирдарё вилояти Гулистон шаҳрида ҳайдовчилик гувоҳномасини олиб беришни ваъда қилиб, эвазига пул талаб қилган шахслар қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, олинган тезкор маълумотлар асосида Ўзбекистон Республикаси Шахсий хавфсизлик Бош бошқармаси Сирдарё вилояти бўйича бўлими, Бошқарма Жиноят қидирув бошқармаси Коррупция ва иқтисодий жиноятларга қарши курашиш бўлими томонидан Гулистон шаҳар ҳудудида тезкор тадбир ўтказилган. Натижада Н.Р ҳамда И.Б. исмли фуқаролар «B» тоифасидаги енгил автомашиналарни бошқариш учун ҳайдовчилик гувоҳномасини олиб бериш эвазига Д.М.дан 100 доллар миқдордаги пулни олган вақтида қўлга олинган.
Ҳолат юзасидан Н.Р. ҳамда И.Б.га нисбатан Жиноят кодексининг 168-моддаси (фирибгарлик) 1-қисми, 25, 211-моддаси (пора бериш) 1-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)