Болгариянинг София шаҳрида бокс бўйича халқаро анъанавий Странжа Кубоги мусобақасининг олтинчи кунги баҳслари 25 февраль, жума куни бўлиб ўтмоқди.
-51 кг вазн тоифасида ҳаракат қилаётган Ҳасанбой Дўстматов қозоғистонлик Темур Кабдешовга қарши рингга чиқди. Ўзбекистонлик боксчи рақибига ҳеч қандай имконият қолдирмади ва 5:0 ҳисобида ғалаба қозонди.
Шу тариқа Ҳасанбой мусобақанинг финалига йўл олди. Финалда ўзбекистонлик боксчига яна бир қозоғистонлик Абдикадир Дамир рақиблик қилади. Дамир ярим финалда Россия вакили Мнацаканян Волони таслим этди.
Бундан аввалги босқичда Ҳасанбой россиялик Евгений Мартинов устидан 5:0 ҳисобида ғалаба қозонганди. Мусобақанинг дастлабки турида эса Дўстматовнинг рақиби рингга чиқмаган ва тўғридан-тўғри кейинги босқичга йўл олганди.
Ҳасанбойдан ташқари 25 февраль санасида Абдумалик Ҳалоков, Одилжон Аслонов, Мадиёр Саидраҳимов, Мужибилло Турсунов, Лазизбек Муллажоновлар финал йўлланмаси учун кураш олиб боради. Турсуной Раҳимова эса украиналик боксчига мағлуб бўлиб, финалга чиқиш имкониятини йўқотди.
Изоҳ (0)