«ОКМК» жамоаси эронлик футболчи Сияваш Ҳагнозари трансферини эълон қилди.
Сўнгги 5 йилдан буён Украина чемпионатида фаолият олиб борган футболчи олмалиқликлар билан 2 йиллик шартнома имзолаган. Ярим ҳимоячи эркин агент сифатида «ОКМК» футболчисига айланди.
26 ёшли Сияваш 2017 йилдан буён Украинанинг «Волин» клуби шарафини ҳимоя қилиб келган ва 91 та ўйинда 16 та гол, 10 та голли узатма муаллифига айланган.
Ҳагнозари 1995 йил 3 август куни тавааллуд топган. Футболчи Эрон ўсмирлар ва ёшлар терма жамоалари сафида ўйнаган.
«ОКМК» қишки трансферлар ойнасида Хуршид Ғиёсов, Анзур Исмоилов, Андрей Мишенко, Абдулла Абдуллаев ва Алишер Жалиловларни ўз сафига қўшиб олди.
Изоҳ (0)