Конференциялар Лигасининг 1/8 финалига қуръа ташланди

Швейцариянинг Ньон шаҳрида 25 февраль, жума куни Конференциялар Лигаси 1/8 финал босқичига қуръа ташланди.

Элдор Шомуродов тўп сурадиган «Рома» Нидерландиянинг «Витесс» жамоаси билан баҳс олиб боради. «Лестер» эса «Ренн» билан куч синашади.

Конференциялар Лигаси 1/8 финали қуръаси қуйидагича кўриниш олди:

• «Марсель» (Франция) — «Базел» (Швейцария);
• «Лестер» (Англия) — «Ренн» (Франция);
• «ПАОК» (Греция) — «Гент» (Бельгия);
• «Витесс» (Нидерландия) — «Рома» (Италия);
• «ПСВ» (Нидерландия) — «Копенгаген» (Дания);
• «Славия» (Чехия) — «ЛАСК» (Австрия);
• «Будё Глимт» (Норвегия) — «АЗ Алкмар» (Нидерландия);
• «Партизан» (Сербия) — «Фейеноорд» (Нидерландия).

Ўтиш ўйинининг дастлабки беллашувлари 10 март куни, жавоб учрашувлари эса 17 март куни бўлиб ўтади.