Ўзбекистон Украинанинг Киев шаҳридаги элчихонаси ватандошлар учун мурожаат билан чиқди. Мурожаат матни элчихона сайтида эълон қилинган.
Ҳозирда Ўзбекистоннинг Киевдаги элчихонаси томонидан эвакуация режаси ва Украина ҳудудини тарк этишни хоҳловчи фуқаролар рўйхати шакллантирилмоқда. Украина ҳаво ҳудудининг ёпилишини инобатга олган ҳолда жўнаб кетиш йўналишлари ва жўнаб кетиш жойи ишлаб чиқилмоқда.Аввалроқ Uzbekistan Airways’нинг Намангандан Краснодарга учган HY-9825 рейси Ростов вилоятидаги ҳаво майдони йўловчи самолётларининг қатновлари учун ёпилиши муносабати билан вилоятга мажбурий қайтарилгани, Тошкентдан Киевга учган самолёт Молдовага йўналтирилгани тўғрисида хабар берилганди.Маълумот учун, 24 февралга ўтар кечаси Россия президенти Владимир Путин Донбассда «минтақа аҳолисини геноциддан ҳимоя қилиш» учун махсус ҳарбий операция бошланганини маълум қилди. Россияликларга мурожаатида у Кремль Украинани демилитаризация ва деназолификация қилишга интилиши, бироқ Украина ҳудудларини босиб олиш режада йўқлигини айтди.Мақбул эвакуация йўналишлари бўйича масалалар учинчи давлатларнинг манфаатдор хизматлари билан келишилгач, Ўзбекистон фуқаролари элчихонанинг «Uzbekistan.org.ua» сайти ва ижтимоий тармоқлардаги каналларида қўшимча равишда хабардор қилинади. Украинадан чиқиб кетишни хоҳловчи Ўзбекистоннинг барча фуқаролари паспорт маълумотларини элчихонанинг embassy@uzbekistan.org.ua электрон манзилига юборишлари сўралади.
Украинада бўлган Ўзбекистон фуқароларидан тинчлик сақлашларини ва қўшимча саволлар туғилганда элчихона билан алоқада бўлишларини сўраймиз.
Ўзбекистоннинг Украинадаги элчихонаси
Путиннинг мурожаатидан сўнг ижтимоий тармоқларда Украинанинг кўплаб шаҳарларида портлашлар содир бўлгани ҳақида хабарлар пайдо бўлди. Украина Ички ишлар вазирлиги раҳбари маслаҳатчиси Антон Герашченко 24 февраль куни эрта тонгда Киев, Харков ва Днепрда ҳарбий инфратузилма объектларига ракета зарбалари берилганини маълум қилди. Россия Мудофаа вазирлиги эса «Украина ҳарбий инфратузилмаси ишдан чиқарилаётганини», мамлакатнинг тинч аҳолисига ҳеч қандай таҳдид йўқлигини эълон қилган.
Изоҳ (0)