Шавкат Мирзиёев 24 февраль куни Қорақалпоғистоннинг Беруний туманида фаоллар билан учрашувда дунё кун сайин эмас, соат сайин таҳликали бўлиб бораётганини таъкидлади, деб хабар бермоқда «Дарё» мухбири.
«Биз иқтисодиётимиз, мудофаамизни мустаҳкам қилиб, ишонч билан жонажон ватанимизнинг қудратини кўтаришга ҳаракат қилишимиз керак», — деди президент.
«Кеча Мўйноқда фаоллар билан учрашиб, суҳбатлашдим. Бундан ташқари, Тахтакўпир туманига бордим. У ернинг аҳолиси ҳам ‘қилса бўлар эканку, бизга ҳам шароит яратилса бўларканку’, дейишди. Кеча, шунингдек, Шуманай туманида ҳам бўлдик. Қорақалпоғистоннинг ери бу ердаги икки миллион аҳолини бемалол боқади. Фақат бунинг учун ҳар бир ишга илм билан ёндошишимиз керак. Ҳоким ёрдамчилари ҳам, ёшлар етакчилари билан ҳам гаплашдим. Уларнинг кўзи ёниб турибди, улар ишламоқчи. Агар биз аввалгидек қоғозбозчилик қилсак яхши иш кетмайди», — дея таъкидлаган президент.
Давлат раҳбари мазкур лойиҳага Қорақалпоғистоннинг ҳавоси ҳам фойда бериши аниқлигини айтган.
«Неча йиллар давомида бу ер энергетика танқислигини бошдан кечиряпти. Нега биз бунга кўп эътибор беряпмиз? Агар биз катта корхоналар қурмоқчи бўлсак, келадиган инвестор ҳам ‘инфратузилманг борми, газинг, сувинг, йўлинг, темир йўлинг, аэропортинг борми деб сўрайди. Коррупция бўлмайдими, деб савол беради’ », — дейди Шавкат Мирзиёев.
Аввалроқ Шавкат Мирзиёев Қорақалпоғистондаги «Белтов» овулини бориб кўргани, «Шуманай экотекс» корхонаси фаолияти билан танишгани, Шавкат Мирзиёев Орол денгизининг қуриган тубини кўздан кечиргани тўғрисида хабар берилганди.
Изоҳ (0)