Кўпчиликнинг фикрича, аёллар эркакларга қараганда камроқ овқатланиши керак. Эркакка бир бўлак гўшт ва картошка, аёлга салат, йогурт ва паст калорияли ширинликми? Бу нафақат нотўғри, балки жуда хавфлидир: аёл организми эркакларникига қараганда кўпроқ турли хил озуқага муҳтож: гормонал ва репродуктив тизимнинг ўзига хос хусусиятлари туфайли аёллар кўпроқ оқсил ва ёғли маҳсулотларни истеъмол қилиши керак. Ҳафталик менюни режалаштираётганингизда маслаҳатларимизни эсланг ва йогуртли салатга «ўтириш»ни хаёлингизга ҳам келтирманг!
Қизил гўшт
Камқонлик — аёллар касаллиги бўлиб, беморларнинг тўртдан уч қисмидан кўпи аёллардан иборат. Айнан шунинг учун аёллар учун темир моддаси кўп бўлган овқатлар, биринчи навбатда қизил гўштни истеъмол қилиш муҳим. Мол гўшти, товуқ сони, бузоқ гўшти — буларнинг барчасини ҳафтада камида бир неча марта, иложи бўлса, ҳар куни истеъмол қилиш лозим.
Мавзуга доир: Қаришнинг тезлашиши, кўкрак саратони ва қизил гўштни камроқ истеъмол қилиш учун бошқа сабаблар
Кўкрак бези саратонининг олдини олиш аёлларнинг ўзини ўзи парвариш қилишнинг муҳим қисмидир. Мунтазам текширувлардан ташқари, тўғри овқатланиш ҳам муҳим. Ловияни тез-тез истеъмол қилишга ҳаракат қилинг: деярли 100 минг аёл иштирок этган тадқиқотга кўра, ловияни мунтазам истеъмол қилиш кўкрак саратони хавфини 34 фоизга камайтиради. Бу дуккакли экинлардаги фитостероллар ва кўп миқдорда клетчаткалар билан боғлиқ.
Мавзуга доир: Яшил ловиянинг қандай фойдали хусусиятлари бор?
Умуман олганда, ёнғоқлар кундалик рационнинг бир қисмига айланиши керак: таркибидаги тўйинмаган ўсимлик ёғлари ва антиоксидантлар қон томирлари, юрак ва мия саломатлиги учун муҳим ҳисобланади. Ёнғоқни мунтазам истеъмол қилиш диабет, юрак-қон томир касалликлари, саратон, инсульт ва эрта ўлим хавфини камайтиради. Бундан ташқари, ёнғоқ ейиш кўкрак бези саратони ривожланишини секинлаштиради.
ТофуСоя оқсили холестеринни пасайтиришга ёрдам беради, шунингдек, менопауза пайтида қон қуюлишини камайтиришга ёрдам беради. 50 ёшли аёлларнинг тобора заифлашиб бораётган суякларини мустаҳкамлайди.
Мавзуга доир: Холестерин миқдорини камайтиришга ва қон томирларни ҳимоялашда ёрдам берувчи маҳсулотлар
Айниқса, лосос, сардина ва бошқа турдаги ёғли балиқларда кўп бўлган омега-3 ёғ кислоталари яллиғланишни камайтириш ва мия фаолиятини яхшилаш қобилиятига эга. Бундан ташқари, балиқ гўшти D витаминига бой: бу кўкрак, йўғон ичак ва тухумдон саратони хавфини камайтиради.
Мавзуга доир: Балиқ ёғини рационга киритиш учун 5 та жиддий сабаб
Энг муҳими, улар бутун донлардан бўлиши керак. Бутун дон таркибида эрийдиган ва эримайдиган толалар мавжуд бўлиб, у тўқлик ҳиссини беради ва ортиқча овқатланишнинг олдини олади. Таркибидаги клетчаткалар холестерин даражасини пасайтиради, метаболизмни яхшилайди ва қондаги қанд миқдорини назорат қилади.
Изоҳ (0)