Salat bilan cheklanmang: ayollar har kuni iste’mol qilishi kerak bo‘lgan yuqori kaloriyali taomlar

Ko‘pchilikning fikricha, ayollar erkaklarga qaraganda kamroq ovqatlanishi kerak. Erkakka bir bo‘lak go‘sht va kartoshka, ayolga salat, yogurt va past kaloriyali shirinlikmi? Bu nafaqat noto‘g‘ri, balki juda xavflidir: ayol organizmi erkaklarnikiga qaraganda ko‘proq turli xil ozuqaga muhtoj: gormonal va reproduktiv tizimning o‘ziga xos xususiyatlari tufayli ayollar ko‘proq oqsil va yog‘li mahsulotlarni iste’mol qilishi kerak. Haftalik menyuni rejalashtirayotganingizda maslahatlarimizni eslang va yogurtli salatga “o‘tirish”ni xayolingizga ham keltirmang!

Qizil go‘sht

Kamqonlik — ayollar kasalligi bo‘lib, bemorlarning to‘rtdan uch qismidan ko‘pi ayollardan iborat. Aynan shuning uchun ayollar uchun temir moddasi ko‘p bo‘lgan ovqatlar, birinchi navbatda qizil go‘shtni iste’mol qilish muhim. Mol go‘shti, tovuq soni, buzoq go‘shti — bularning barchasini haftada kamida bir necha marta, iloji bo‘lsa, har kuni iste’mol qilish lozim.

Ko‘krak bezi saratonining oldini olish ayollarning o‘zini o‘zi parvarish qilishning muhim qismidir. Muntazam tekshiruvlardan tashqari, to‘g‘ri ovqatlanish ham muhim. Loviyani tez-tez iste’mol qilishga harakat qiling: deyarli 100 ming ayol ishtirok etgan tadqiqotga ko‘ra, loviyani muntazam iste’mol qilish ko‘krak saratoni xavfini 34 foizga kamaytiradi. Bu dukkakli ekinlardagi fitosterollar va ko‘p miqdorda kletchatkalar bilan bog‘liq.

Umuman olganda, yong‘oqlar kundalik ratsionning bir qismiga aylanishi kerak: tarkibidagi to‘yinmagan o‘simlik yog‘lari va antioksidantlar qon tomirlari, yurak va miya salomatligi uchun muhim hisoblanadi. Yong‘oqni muntazam iste’mol qilish diabet, yurak-qon tomir kasalliklari, saraton, insult va erta o‘lim xavfini kamaytiradi. Bundan tashqari, yong‘oq yeyish ko‘krak bezi saratoni rivojlanishini sekinlashtiradi.

Soya oqsili xolesterinni pasaytirishga yordam beradi, shuningdek, menopauza paytida qon quyulishini kamaytirishga yordam beradi. 50 yoshli ayollarning tobora zaiflashib borayotgan suyaklarini mustahkamlaydi.

Ayniqsa, losos, sardina va boshqa turdagi yog‘li baliqlarda ko‘p bo‘lgan omega-3 yog‘ kislotalari yallig‘lanishni kamaytirish va miya faoliyatini yaxshilash qobiliyatiga ega. Bundan tashqari, baliq go‘shti D vitaminiga boy: bu ko‘krak, yo‘g‘on ichak va tuxumdon saratoni xavfini kamaytiradi.

Eng muhimi, ular butun donlardan bo‘lishi kerak. Butun don tarkibida eriydigan va erimaydigan tolalar mavjud bo‘lib, u to‘qlik hissini beradi va ortiqcha ovqatlanishning oldini oladi. Tarkibidagi kletchatkalar xolesterin darajasini pasaytiradi, metabolizmni yaxshilaydi va qondagi qand miqdorini nazorat qiladi.