Тунда истеъмол қилинса ҳам вазн ортишига олиб келмайдиган маҳсулотлар

Тунда нимадир истеъмол қилишни ёқтирадиган инсонлар аввал музлаткичда қандай маҳсулотлар бўлиши кераклигини, албатта, билиб олиши зарур.

Ҳар бир инсонда тунги одатлар мавжуд. Айрим инсонларда уйқуга кетиш вақтида таом истеъмол қилиш истаги уйғонади. Аммо қоматга зарар бермаслик учун нима тановул қилиш керак? Тадқиқотлар шуни кўрсатадики, ҳатто кечаси ҳам истеъмол қилинадиган бир қатор хавфсиз маҳсулотлар мавжуд.

Тухум

Тухум ажойиб танлов. Улар кўп калорияни ўз ичига олмайди ва шунингдек, оқсилнинг ажойиб манбаидир. Бундан ташқари, тухумда уйқу сифатига ижобий таъсир кўрсатиши маълум бўлган триптофан мавжуд.

Йогурт

Йогурт ҳам вазн учун хавфсиз маҳсулотдир. У уйқуни яхшилайдиган ва очликни камайтирадиган пробиётиклар ва оқсилларни ўз ичига олади. Бундан ташқари, йогурт қонда шакар даражасини барқарорлаштиради. Қолаверса, ушбу маҳсулот организм учун муҳим минерал бўлган кальцийга бой.

Гилос

100 грамм гилос фақат 50 ккални ўз ичига олади. Шунингдек, мелатонин (уйқу гормони) ишлаб чиқаришни рағбатлантиради. Бундан ташқари, гилос яллиғланишга қарши хусусиятларга эга ва юрак-қон томир тизимига фойдали таъсир кўрсатади.

Асал

Асал кечалари ейиладиган энг яхши маҳсулотлардан биридир. У танадаги мелатонин ишлаб чиқаришни кўпайтиришга ва қонда шакар даражасига фойдали таъсир кўрсатишга қодир.

Банан

Банан нафақат мазали, балки инсон уйқусига ижобий таъсир кўрсатадиган триптофан, калий ва магнийга бой. Бундан ташқари, цитрус мева витамин ва антиоксидантларни ўз ичига олади.

Ёнғоқ

Ёнғоқларда мавжуд бўлган мелатонин соғлом уйқу режимини қўллаб-қувватлайди. Уларда магний ҳам мавжуд. Бу минерал асаб тизимини тинчлантиради ва стрессни камайтиради. Энг яхши тунги егулик – писта ва ёнғоқ. Асосийси, жуда кўп истеъмол қилмаслик, чунки ёнғоқ юқори калорияли маҳсулотдир.