Бугун,

  • USD 11095.31
  • RUB 173.84
  • EUR 10772.44

БМТ Донбассда бўлган барча томонлардан кескинликнинг қуролли тўқнашувларга уланиб кетишининг олдини олиш мақсадида шошилинч қарорлар чиқармаслик, қалтис ҳаракатларни амалга оширмасликни сўради. Бу ҳақда ташкилот бош котибининг расмий вакили Стефан Дюжаррик маълум қилган.

Фото: Getty Images

Фото: Getty Images

«БМТнинг Донбассдаги тўқнашувларда тинч аҳоли орасида қурбонлар борлигидан хавотири ортган, ташкилот ҳарбий ҳаракатларнинг зудлик билан тўхтатилишини талаб қилади, томонлардан ҳар қандай ҳаракат ва кескин баёнотлардан максимал даражада тийилишни сўрайди», — дейилади хабарда.

Дюжаррик ташкилотнинг Украина мустақиллиги, суверенитети ва халқаро тан олинган чегаралардаги ҳудудий яхлитлигини қўллаб-қувватлашини қўшимча қилган.

Аввалроқ ДХР ва ЛХР раҳбарлари Россия президенти Владимир Путинга мурожаат йўллаб, уларнинг мустақиллигини тан олишни сўраган. Путин ўз навбатида икки ҳудуд раҳбарлари томонидан билдирилган таклифни Россия Хавфсизлик кенгашининг навбатдан ташқари йиғилишида муҳокамага қўйганди. Ундан олдин Россия давлат думаси ДХР ҳамда ЛХР мустақиллигини тан олиш юзасидан қонун ҳужжати лойиҳаси билан президентга мурожаат қилган.

Украина, Европа иттифоқи ҳамда АҚШ расмийлари Донбасс ҳудудидаги республикалар мустақиллигини тан олиш Минск келишувларига зид эканлигини таъкидлаган.

14 февралда БМТ бош котиби Антониу Гуттериш Россия ташқи ишлар вазири Сергей Лавров билан видеоформатда музокаралар олиб борган, шу билан бирга Украина ТИВ раҳбари Дмитрий Кулеба билан ҳам мулоқот қилганди. Гуттериш иккала вазир билан ҳам суҳбатда Украина атрофидаги кескин вазиятдан хавотирда эканлигини таъкидлаган.

Изоҳ
Асосий янгиликлар
Маҳаллий
Саудиялик тадбиркор Ўзбекистонда автомашина эҳтиёт қисмлари ишлаб чиқаришга сармоя киритади 
Маҳаллий
1000 доллар ойлик олаётган ўқитувчилар, 1 млн нафардан ошган талабалар, янги қурилган 27 та ТТЖ — олий таълим вазири ўринбосари Комилжон Каримов билан эксклюзив су...
Маҳаллий
Тошкентда 3 та машина иштирокида ЙТҲ содир бўлди