Европа иттифоқ дипломатияси раҳбари Жозеп Боррел Москвадан Донсеткс ҳамда Луганск Халқ Республикаларининг мустақиллигини тан олмасликни сўради. Бу ҳақда «Интерфакс» хабар берган.
«Биз бу борада якуний қарорга келинмаганидан келиб чиқиб хулоса қиляпмиз. Президент Путиндан халқаро ҳуқуқ меъёрларини ҳурмат қилишни ва Минск шартномасига риоя этишни, ЛХР ҳамда ДХР мустақиллигини тан олмасликни сўраймиз», – деган у.
Боррел Брюсселнинг Москва ушбу икки ҳудуддаги республикалар мустақиллигини тан олмаслигига ишонишини таъкидлаб ўтган.
Аввал Россия Хавфсизлик кенгашининг фавқулодда йиғилишида мажлис иштирокчилари Путинга Донбасс ва Луганск Халқ Республикалари мустақиллигини тан олишни таклиф қилган, бу борадаги фармон лойиҳаси тез орада имзоланиши кутилаётганди.
20 февралда НАТО Киевдаги офисини ёпгани, Европанинг бир қатор авиакомпаниялари Украинага парвозларни тўхтатгани, шунингдек, аввалроқ Буюк Британия Европа Иттифоқи ва G7 билан Россияга қарши санкцияларни келишиб олгани хабар қилинган. Кейинчалик Украина мудофаа вазири Россияга эвакуация қилинган Донбасс аҳолиси ўз уйларига қайтаётганини билдирган.
Изоҳ (0)