SpaceX аэрокосмик компанияси профессионал бўлмаган энг биринчи астронавтнинг очиқ фазога Crew Dragon кемасидаги парвози Polaris Dawn миссияси доирасида 2022 йил охирида амалга оширилишини маълум қилди, дея хабар берди «Интерфакс».
«Dragon кемаси миссиясининг мутахассислари ва Polaris Dawn экипажи аъзолари беш кун давомида орбитада бўлади, ушбу оралиқда нопрофессионал астронавтнинг очиқ фазога энг биринчи парвози амалга оширилади», – дейилади SpaceX ахборотида.
SpaceX’нинг қайд этишича Polaris Dawn’нинг биринчи миссияси 2022 йилинг охирги чорагидан аввал амалга оширилмайди. Комплекс лойиҳасига Флорида штатидаги Кеннеди номидаги космик марказдан старт берилади.
Компания ушбу уриниш кема Ердан тахминан 500 километр баландликка кўтарилган тақдирдагина амалга ошишини билдирган. Очиқ фазога чиқиш учун экипаж аъзоларига кемадан ташқаридаги фаолият учун SpaceX скафандрлари ажратилади, ушбу махсус кийим кема ичидаги скафандр лойиҳаси асосида ишлаб чиқилган.
Экипаж таркибига 2021 йил сентябрь ойида Crew Dragon кемасида Inspiration4 нопрофессионал астронавтлар миссиясида қатнашган миллиардер, Shift4 Payments компанияси асосчиси Жаред Айзекман кирган. У экипаж командири бўлади. Миссия учувчиси эса Скотт Потит бўлади, у аввал АҚШ ҳарбий ҳаво кучларида пилот лавозимди хизмат қилган. Шунингдек, миссияга SpaceX космик операциялар дастурлари бўйича етакчи муҳандис Сара Жиллис ҳам қўшилади, аёл Crew Dragon’нинг Халқаро космик станцияга чиқиш бўйича биринчи миссиясига астронавтларни тайёрлаган. Шунингдек, SpaceX муҳандиси, Dragon кемаларининг бир қатор бошқа миссиялари оператори Анна Менон ҳам парвозда қатнашади, у кемада тиббиёт ходими вазифасини бажаради.
Лойиҳа доирасида бу каби учта миссияни амалга ошириш режалаштирилган.
Изоҳ (0)