Чеченистон раҳбари Рамзан Қодиров Telegram каналида Украина президенти Владимир Зеленский ва мамлакат халқига мурожаат йўллади. У ўз постининг бошида ёзаётган фикрлари Россиянинг оддий фуқароси номидан билдирилаётганини қайд этган.
«Жаноб Зеленский! Масхарабозлик вақти поёнига етди. Ёмон оқибатларга олиб келадиган ва ортга қайтаришнинг имкони йўқ бўлган воқеа-ҳодисаларнинг олдини олиш, ўз халқига берилган ваъдаларни бажариш пайти келди. Яъни бугун Минск шартномасида белгиланган талабларни бажариш заруриятга айланди ва бунинг айни фурсати», — деб ёзган Қодиров.
Чеченистон раҳбарининг сўзларига кўра ушбу келишувларга риоя этилишини таъминлаш борган сари кескинлашиб бораётган вазиятни сиёсий йўл билан ҳал этишдаги дастлабки муҳим қадам бўлади. Қодировнинг айтишича, бу нафақат икки давлат ўртасидаги қарама-қаршиликни, балки глобал миқёсдаги кескинликнинг камайишига олиб келади.
Шунингдек, Рамзан Қодиров украиналикларга ҳам мурожаат қилган.
«Азизларим! Мен Украина ва унинг меҳрибон халқини яхши кўраман. Украиналикларнинг «ғарб дунёси», унинг душманона «қадриятлари» ва руслардан қўрқув талвасасининг бир қисмига айланишига ҳеч қачон ишонмайман», — деб ёзган у.
Унинг қайд этишича, ёт кучлар ушбу умумийлик ҳиссиётини сунъий равишда юзага келтиришга уринмоқда, бироқ Украина халқи ичкарида ҳеч кимнинг ёрдами ва аралашувисиз тарихий адолатни тиклашига умид мавжуд.
Украина атрофидаги вазият январь–февраль ойларида Россия мамлакат билан чегара ҳудудига ҳарбийларни жойлаштирганидан кейин ҳужум ҳақидаги гап-сўзлар туфайли кескинлаша бошлаган. Россия ҳукумати ҳарбий операция содир бўлишини инкор этиб, Украина билан чегарада ўқув машғулотлари ўтказилаётгани, ҳарбийлар машғулотлар тугаганидан кейин доимий дислокация ҳудудига қайтарилишини маълум қилган.
Аввал Зеленскийнинг айни вақтда оиласи билан бирга Украинадан чиқиб кетиш эҳтимоли йўқлигини билдиргани ва мамлакатдан чиқиб кетган сиёсатчилар ҳамда бизнесменлардан ортга қайтишни сўраган, шунингдек Нидерландия, Черногория, Япония, Жанубий Корея, Янги Зеландия ва Австралия ўз фуқароларига Украинага бормаслик ва у ерда бўлганлардан мамлакатдан чиқиб кетишни тавсия қилган. Кейинчалик Австралия ва Канада Украинадаги вазият сабаб Киевдаги элчихонасини бошқа шаҳарга кўчираётгани ҳақида хабар берилганди.Мавзуга доир: «Россия Украинага айнан қайси санада ҳужум бошлашини олдиндан айтолмаймиз», — Байденнинг ёрдамчиси
Изоҳ (0)