SpaceX aerokosmik kompaniyasi professional bo‘lmagan eng birinchi astronavtning ochiq fazoga Crew Dragon kemasidagi parvozi Polaris Dawn missiyasi doirasida 2022-yil oxirida amalga oshirilishini ma’lum qildi, deya xabar berdi “Interfaks”.
“Dragon kemasi missiyasining mutaxassislari va Polaris Dawn ekipaji a’zolari besh kun davomida orbitada bo‘ladi, ushbu oraliqda noprofessional astronavtning ochiq fazoga eng birinchi parvozi amalga oshiriladi”, – deyiladi SpaceX axborotida.
SpaceX’ning qayd etishicha Polaris Dawn’ning birinchi missiyasi 2022-yiling oxirgi choragidan avval amalga oshirilmaydi. Kompleks loyihasiga Florida shtatidagi Kennedi nomidagi kosmik markazdan start beriladi.
Kompaniya ushbu urinish kema Yerdan taxminan 500 kilometr balandlikka ko‘tarilgan taqdirdagina amalga oshishini bildirgan. Ochiq fazoga chiqish uchun ekipaj a’zolariga kemadan tashqaridagi faoliyat uchun SpaceX skafandrlari ajratiladi, ushbu maxsus kiyim kema ichidagi skafandr loyihasi asosida ishlab chiqilgan.
Ekipaj tarkibiga 2021-yil sentabr oyida Crew Dragon kemasida Inspiration4 noprofessional astronavtlar missiyasida qatnashgan milliarder, Shift4 Payments kompaniyasi asoschisi Jared Ayzekman kirgan. U ekipaj komandiri bo‘ladi. Missiya uchuvchisi esa Skott Potit bo‘ladi, u avval AQSh harbiy havo kuchlarida pilot lavozimdi xizmat qilgan. Shuningdek, missiyaga SpaceX kosmik operatsiyalar dasturlari bo‘yicha yetakchi muhandis Sara Jillis ham qo‘shiladi, ayol Crew Dragon’ning Xalqaro kosmik stansiyaga chiqish bo‘yicha birinchi missiyasiga astronavtlarni tayyorlagan. Shuningdek, SpaceX muhandisi, Dragon kemalarining bir qator boshqa missiyalari operatori Anna Menon ham parvozda qatnashadi, u kemada tibbiyot xodimi vazifasini bajaradi.
Loyiha doirasida bu kabi uchta missiyani amalga oshirish rejalashtirilgan.
Izoh (0)