Германия канцлери Олаф Шольц Украинага 150 миллион евро миқдорида кредит ажратилишини эълон қилди. Бу ҳақда «Интерфакс» хабар берди.
«Мен бугун жорий молиявий кредитга боғлиқ бўлмаган 150 миллион евро тезкорлик билан тўлаб берилишини мамнуният билан эълон қиламан», – деган Шольц Киевда Украина президенти Владимир Зеленский билан ўтказилган музокаралардан кейин бўлиб ўтган матбуот анжуманида.
Шолс Германиянинг Украинани кўп йиллар давомида сўз билан ҳам амалда ҳам қўллаб-қувватлаб келаётганини қайд этган.
«Дунёдаги ҳеч бир мамлакат охирги саккиз йил ичида молиявий томондан Украинани бизчалик қўллаб-қувватламаган. Ушбу йўл билан Украина иқтисодиётини янада барқарор ва хориж таъсиридан мустақил бўлишига ҳисса қўшдик. Бу йўлдаги кўмак ишларини яна давом эттиришимизни ишонч билан айта оламан», – дея қўшимча қилган канцлер.
Мавзуга доир:
АҚШ 2021 йилда Украинага жами 650 миллион долларлик ҳарбий ёрдам кўрсатган. Мамлакат 2014 йилдан буён АҚШдан умумий қиймати 2,7 миллиард долларга тенг ёрдам олган.
Изоҳ (0)