Онлайн маъмурий ҳуқуқбузарликларни текшириш ва тўлаш учун «Менинг жарималарим» расмий иловаси ишлаб чиқилди. Бу ҳақда ИИВ Ҳуқуқий статистика ва тезкор-ҳисоб маълумотлар маркази хабар берди.
«Менинг жарималарим» иловаси орқали жарималарни Uzcard ва Humo банк карталари ёрдамида тўланади ҳамда тўлов учун расмий квитанция олинади.
Иловада маъмурий ҳуқуқбузарликларингизни қуйидагича излаш мавжуд:
- баённома рақами бўйича излаш;
- буюртма рақами бўйича излаш;
- квитанция рақами бўйича излаш.
OneID (Ягона идентификация тизими) орқали рўйхатдан ўтишда маъмурий ҳуқуқбузарликлар ҳақида қуйидаги маълумотларни олиш мумкин:
- маъмурий ишнинг ҳозирги ҳолати;
- маъмурий баённомани юклаб олиш имконияти;
- жарима тўловлари тарихи;
- қарорнинг ҳолатини билиб олинг;
- жарима тўлангани тўғрисидаги квитанцияни текшириш;
- суд мажлисининг санасини аниқланг;
- орган ёки суд қарорларини PDF форматида юклаб олинг;
- йўл ҳаракати жаримасини тўлаш;
- маъмурий ҳуқуқбузарлик учун жарима тўлаш.
Мамлакатда 2021 йил 1 январдан бошлаб видеорегистраторлар билан бирга, видеокузатув ва тасвирга олиш техника воситалари ҳамда мобил қурилмалар орқали қайд этилган ҳуқуқбузарлик ҳолатлари акс этган видеоёзувлар махсус автоматлаштирилган фото ва видео қайд этиш техника воситалари орқали қайд этилган видеоёзувларга тенглаштирилди.
Изоҳ (0)