Onlayn ma’muriy huquqbuzarliklarni tekshirish va to‘lash uchun “Mening jarimalarim” rasmiy ilovasi ishlab chiqildi. Bu haqda IIV Huquqiy statistika va tezkor-hisob ma’lumotlar markazi xabar berdi.
“Mening jarimalarim” ilovasi orqali jarimalarni Uzcard va Humo bank kartalari yordamida to‘lanadi hamda to‘lov uchun rasmiy kvitansiya olinadi.
Ilovada ma’muriy huquqbuzarliklaringizni quyidagicha izlash mavjud:
- bayonnoma raqami bo‘yicha izlash;
- buyurtma raqami bo‘yicha izlash;
- kvitansiya raqami bo‘yicha izlash.
OneID (Yagona identifikatsiya tizimi) orqali ro‘yxatdan o‘tishda ma’muriy huquqbuzarliklar haqida quyidagi ma’lumotlarni olish mumkin:
- ma’muriy ishning hozirgi holati;
- ma’muriy bayonnomani yuklab olish imkoniyati;
- jarima to‘lovlari tarixi;
- qarorning holatini bilib oling;
- jarima to‘langani to‘g‘risidagi kvitansiyani tekshirish;
- sud majlisining sanasini aniqlang;
- organ yoki sud qarorlarini PDF formatida yuklab oling;
- yo‘l harakati jarimasini to‘lash;
- ma’muriy huquqbuzarlik uchun jarima to‘lash.
Mamlakatda 2021-yil 1-yanvardan boshlab videoregistratorlar bilan birga, videokuzatuv va tasvirga olish texnika vositalari hamda mobil qurilmalar orqali qayd etilgan huquqbuzarlik holatlari aks etgan videoyozuvlar maxsus avtomatlashtirilgan foto va video qayd etish texnika vositalari orqali qayd etilgan videoyozuvlarga tenglashtirildi.
Izoh (0)