Нидерландия, Черногория, Япония ва Жанубий Корея ўз фуқароларига Украинага бормасликни тавсия қилди ва у ерда бўлганлардан мамлакатдан чиқиб кетишни сўради. Бу ҳақда «РБК» хабар берди.
Черногория ТИВ кескинликнинг ортиши ва хавфсизлик борасида вазият туфайли фуқаролардан вақтинчалик Украинадан чиқиб кетишни сўради. Жанубий Корея Украинага қизил хавф даражасини қўйди ва ушбу мамлакатга сафарларни тақиқлади.
Киевдаги Нидерландия элчиси Еннес де Мол фуқароларга зудлик билан Украина ҳудудидан кетишни тавсия қилди. Шунингдек, ТИВ расмий сайтида одамларга Россия ёки Беларусь билан чегара ҳудудидан қочиш, Украинада бўлганларга эса мамлакат ҳудудини тезроқ тарк этиш маслаҳат берилган.
Япония ТИВ ҳам Украина ҳудудида бўлган японияликларга зудлик билан мамлакатдан чиқиб кетишни тавсия қилган.
10 февралда АҚШ давлат департаменти фуқароларга Украинага бормаслик ёки зудлик билан Россия ҳарбий ҳаракатлари хавфи бўлган ва COVID-19 билан касалланишлар кўпайган ҳудуддан кетишни тавсия этган. АҚШ президенти Жо Байден Украинадаги барча америкаликлардан ҳозироқ мамлакатдан кетишни сўраган.
Шунингдек, Латвия ТИВ ҳам ўз фуқароларига Украинадан чиқиб кетишни маслаҳат берган.
Россия ҳарбийларининг Украина чегараларига жойлашиши туфайли АҚШ, Австралия, Буюк Британия, Германия, Канада, Япония, Исроил Украинадаги дипломатларининг бир қисми ҳамда уларнинг оилаларини бошқа ерга эвакуация қилган.
Изоҳ (0)