YouTube блогер Жейк Пол акаси Логан Пол собиқ жаҳон чемпиони Флойд Мейвезерни судга берганини айтиб ўтди.
«У ҳақиқатан ҳам Логанга пул тўламади. Логан шу боис уни судга берди, бунга бир ёки икки ҳафта бўлиб қолди. Улар ҳам юридик томондан, ҳам махфий равишда босим ўтказишга ҳаракат қилмоқда. Аммо Флойд Мейвезерда акамга тўлаш учун етарлича пул бўлмаслиги шармандали ҳолат», — дея Полнинг сўзларидан иқтибос келтиради BJPenn.
Регламентга кўра, ҳар бири уч дақиқадан иборат саккиз раундли жанг ўтказиш назарда тутилган эди. Агар жанг белгиланган вақтда тўлиқ давом этадиган бўлса, якунда ғолиб эълон қилинмаслиги керак эди, бу содир бўлди. Шу билан бирга қоидалар бўйича нокаут ва нокдаунларга рухсат берилган эди.
Мейвезернинг кафолатланган гонорари 10 миллион долларни ташкил этади. Бундан ташқари жангнинг пуллик трансляциялари сотувининг 50 фоиз улуши ҳам унга тегишли. Полга эса 250 минг доллар гонорар кафолатланган эди, ундан ташқари трансляциялар сотувининг ҳам 10 фоиз улушини олиши кўзда тутилганди.
Бешта вазн дивизионида собиқ жаҳон чемпиони Флойд Мейвезер ва видеоблогер Логан Пол ўртасидаги жанг 2021 йилнинг 7 июнь санасида бўлиб ўтганди. Саккиз раундлик кўргазмали жанг тўлиқ давом этиб, унда устунлик Мейвезер томонидан бўлган бўлса-да, нокаут қайд этилмагани боис ғолиб номи аниқланмаган эди.
Изоҳ (0)