Англия Премьер Лигасида охирги ўринни эгаллаган жамоа 2022/23 йилги мавсумда 106 миллион фунт стерлинг мукофот пулига эга бўлади, деб хабар беради The Telegraph.
Лиганинг телевидение ҳуқуқларини хорижда сотиш бўйича янги келишуви туфайли охирги ўриндаги жамоага тўлов 2021/22 йилги мавсумга нисбатан 8 миллион фунтга ошади.
2022/23 йилги мавсум чемпиони эса 176 миллион фунт стерлинг мукофот пули олади.
Мамлакат ташқарисидаги телевизион даромадларни тақсимлашнинг янги формуласига кўра, қўшимча маблағларнинг ярми клублар ўртасида тенг тақсимланади, жамоаларга тўланадиган базавий тўловлар ҳам 48 миллион фунтдан 56 миллион фунтга кўтарилади. Қолган қисми эса жамоаларнинг натижаларига боғлиқ. Шу тариқа чемпион бу мавсумдаги 153 миллион фунт ўрнига қўшимча 11 миллион фунт билан жами 176 миллион фунт стерлингга эга бўлади.
Эслатиб ўтамиз, мусобақанинг амалдаги ғолиби «Манчестер Сити» жорий мавсумда ҳам 24 та ўйин ўтказиб, 60 очко билан мусобақа жадвалида пешқадамлик қилмоқда. «Шаҳарликлар» битта кам ўйин ўтказган «Ливерпуль»ни 9 очкога ортда қолдирмоқда.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)