Beshta vazn divizionida sobiq Jahon chempioni Floyd Meyvezer 7-iyun tongida videobloger Logan Polga qarshi jang qildi.

Foto: Sky Sports

Sakkiz raundlik ko‘rgazmali jang to‘liq davom etdi. Unda ustunlik Meyvezer tomonidan bo‘lgan bo‘lsa-da, nokaut qayd etilmagani bois g‘olib nomi aniqlanmadi.

Meyvezer — Pol jangi videosini bu yerda tomosha qilish mumkin — video.

Shuningdek, boks kechasida yana ikkita jang o‘tkazildi:

  • Jarrett Herd (24-2, 16 KO) hakamlar qaroriga ko‘ra Luis Ariasga (19-2-1, 9 KO) yutqazib qo‘ydi: 97-93, 96-93, 94-95;
  • Badu Jek (24-3-3, 14 KO) 4-raundda Dervin Kolinni nokautga uchratdi (15-1, 13 KO).

Ma’lumot uchun, Floyd professional faoliyati mobaynida 50 ta jang o‘tkazib, ularning hammasida g‘alaba qozongan (27 ta nokaut).

Logan Pol hisobida esa mag‘lubiyat bilan tugagan bitta jang bor.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!