YouTube bloger Jeyk Pol akasi Logan Pol sobiq jahon chempioni Floyd Meyvezerni sudga berganini aytib o‘tdi.
“U haqiqatan ham Loganga pul to‘lamadi. Logan shu bois uni sudga berdi, bunga bir yoki ikki hafta bo‘lib qoldi. Ular ham yuridik tomondan, ham maxfiy ravishda bosim o‘tkazishga harakat qilmoqda. Ammo Floyd Meyvezerda akamga to‘lash uchun yetarlicha pul bo‘lmasligi sharmandali holat”, — deya Polning so‘zlaridan iqtibos keltiradi BJPenn.
Reglamentga ko‘ra, har biri uch daqiqadan iborat sakkiz raundli jang o‘tkazish nazarda tutilgan edi. Agar jang belgilangan vaqtda to‘liq davom etadigan bo‘lsa, yakunda g‘olib e’lon qilinmasligi kerak edi, bu sodir bo‘ldi. Shu bilan birga qoidalar bo‘yicha nokaut va nokdaunlarga ruxsat berilgan edi.
Meyvezerning kafolatlangan gonorari 10 million dollarni tashkil etadi. Bundan tashqari jangning pullik translyatsiyalari sotuvining 50 foiz ulushi ham unga tegishli. Polga esa 250 ming dollar gonorar kafolatlangan edi, undan tashqari translyatsiyalar sotuvining ham 10 foiz ulushini olishi ko‘zda tutilgandi.
Beshta vazn divizionida sobiq jahon chempioni Floyd Meyvezer va videobloger Logan Pol o‘rtasidagi jang 2021-yilning 7-iyun sanasida bo‘lib o‘tgandi. Sakkiz raundlik ko‘rgazmali jang to‘liq davom etib, unda ustunlik Meyvezer tomonidan bo‘lgan bo‘lsa-da, nokaut qayd etilmagani bois g‘olib nomi aniqlanmagan edi.
Izoh (0)