Бортида америкалик ҳарбийлар бўлган биринчи ҳарбий-транспорт самолёти 3 февраль куни Шимолий Каролинадаги Форт-Брегг базасидан Европага учиб кетди, деб хабар беради Аирливе портали. Ҳарбийлар Россия ва Украина чегарасидаги вазият сабаб НАТОга аъзо мамлакатларга жойлаштирилмоқда.
«Бортида 18-ҳаво-десант корпусининг ҳарбий хизматчиларига бўлган биринчи Boeing C-17 ҳарбий-транспорт самолёти Форт-Брегга базасидан Европага учиб кетди», — дейилади хабарда.
Пентагоннинг маълум қилишича, АҚШ президенти Жо Байден НАТОга аъзо мамлакатнинг Шарқий Европадаги кучларини қўллаб-қувватлаш мақсадида америкалик 3 минг ҳарбий хизматчини Польша, Германия ва Руминияга юборишни маъқуллаган.
Пентагон матбуот котиби Жон Кирбининг аниқлик киритишича, 2 мингга яқин ҳарбий Польша ва Германияга жойлаштирилади. Бундан ташқари, минг нафарга яқин аскар Руминияга кўчирилади. Кирбининг айтишича, ротация (ҳарбий хизматчиларни бир жойдан бошқа жойга кўчириш) яқин кунларда амалга оширилади, бироқ мунтазам асосда эмас.
Унинг таъкидланишича, юборилаётган кучлар Украинада жанговар ҳаракатларни ўтказиш учун мўлжалланмаган. «Ушбу кучлар Украинада жанг қилмоқчи эмас», — дейди АҚШ Мудофаа вазирлиги вакили.
Мавзуга доир:
Москва бу маълумотларни рад этиб, Украинадаги ҳарбий ҳаракатларга тайёргарлик ҳақидаги хабарларни «қуруқ, асоссиз кескинлик» деб атамоқда. Қолаверса, Россия ғарб давлатларидан НАТОнинг шарққа томон кенгаймаслиги, Украина эса бу ташкилотга қабул қилинмаслиги ҳақида кафолат талаб қилган.
Изоҳ (0)