Bortida amerikalik harbiylar bo‘lgan birinchi harbiy-transport samolyoti 3-fevral kuni Shimoliy Karolinadagi Fort-Bregg bazasidan Yevropaga uchib ketdi, deb xabar beradi Airlive portali. Harbiylar Rossiya va Ukraina chegarasidagi vaziyat sabab NATOga a’zo mamlakatlarga joylashtirilmoqda.
“Bortida 18-havo-desant korpusining harbiy xizmatchilariga bo‘lgan birinchi Boeing C-17 harbiy-transport samolyoti Fort-Bregga bazasidan Yevropaga uchib ketdi”, — deyiladi xabarda.
Pentagonning ma’lum qilishicha, AQSh prezidenti Jo Bayden NATOga a’zo mamlakatning Sharqiy Yevropadagi kuchlarini qo‘llab-quvvatlash maqsadida amerikalik 3 ming harbiy xizmatchini Polsha, Germaniya va Ruminiyaga yuborishni ma’qullagan.
Pentagon matbuot kotibi Jon Kirbining aniqlik kiritishicha, 2 mingga yaqin harbiy Polsha va Germaniyaga joylashtiriladi. Bundan tashqari, ming nafarga yaqin askar Ruminiyaga ko‘chiriladi. Kirbining aytishicha, rotatsiya (harbiy xizmatchilarni bir joydan boshqa joyga ko‘chirish) yaqin kunlarda amalga oshiriladi, biroq muntazam asosda emas.
Uning ta’kidlanishicha, yuborilayotgan kuchlar Ukrainada jangovar harakatlarni o‘tkazish uchun mo‘ljallanmagan. “Ushbu kuchlar Ukrainada jang qilmoqchi emas”, — deydi AQSh Mudofaa vazirligi vakili.
Mavzuga doir:
Moskva bu ma’lumotlarni rad etib, Ukrainadagi harbiy harakatlarga tayyorgarlik haqidagi xabarlarni “quruq, asossiz keskinlik” deb atamoqda. Qolaversa, Rossiya g‘arb davlatlaridan NATOning sharqqa tomon kengaymasligi, Ukraina esa bu tashkilotga qabul qilinmasligi haqida kafolat talab qilgan.
Izoh (0)