Ижтимоий тармоқларда Самарқанд шаҳрида бир йигит кўчада кетаётган кишини тепгани тасвирланган видео тарқалди. Самарқанд вилояти ИИБнинг маълум қилишича, видеолавҳадаги ҳолат шаҳар ИИО ФМБ ходимлари томонидан ўрганиб чиқилган.
Маълум бўлишича, воқеа 2022 йилнинг 24 январь куни соат тахминан 19:00 ларда Самарқанд шаҳри «Қўшчинор» маҳалласида содир бўлган. Вояга етмаган Ў.А. (2007 йилда туғилган) маҳалладоши Ф.Р.нинг (1968 йилда туғилган) юз қисмига тепиб, ҳодиса жойини тарк этган.
Ҳолатни Ў.А.нинг таниши, 16 ёшли Р.К. тасвирга олиб, ижтимоий тармоқларга тарқатган.
Таъкидланишича, ҳолат юзасидан вояга етмаган Ў.А.нинг ота-онасига нисбатан ўрнатилган тартибда ҳужжатлар расмийлаштирилмоқда. Шунингдек, бўлиб ўтган ҳодиса мактаб раҳбарияти иштирокида ҳам муҳокама этилган.
«Қўшимча сифатида айтиш мумкинки, Ў.А спорт билан шуғулланиб келган. Ижтимоий тармоқларда тарқалган видеоларда айтилганидек, йигит тиктокер ёки тармоқ фаоли эмас», — дейилади муносабатда.
Ҳозирда Самарқанд шаҳри бўйича ИИО ФМБ томонидан терговга қадар текширув ҳаракатлари олиб борилмоқда.
Аввалроқ Наманганда 21 ёшли рэперни пичоқлаб ўлдирган тиктокер 17 йилга қамалгани тўғрисида хабар берилганди.
Изоҳ (0)