Ҳайдовчилик гувоҳномасини олиш учун ўқитиш тизими тубдан такомиллаштирилади. Бу ҳақда Шавкат Мирзиёев 26 январь куни бўлиб ўтган селектор йиғилишида маълум қилди, деб хабар қилмоқда «Дарё» мухбири.
«Коронавирусдан эмас, авариялар оқибатида кўп инсон ҳалок бўлмоқда. Ички ишлар вазириги ҳамда Транспорт вазирлиги вилоят ҳокимлари билан бирга йўлларда хавфсиз ҳаракатланишга шароит яратиш, авария ва ўлим ҳолатларини кескин қисқартириш, бунинг учун ҳаракатларни бошқаришни тўлиқ рақамлаштириши зарур.
Шу ўринда, бир муҳим масалага барчанинг эътиборини қаратмоқчиман. Умуман, ҳайдовчилик гувоҳномасини ўқимасдан олиш оддий ҳолга айланиб қолди. Шунинг учун, ‘аварияълар сони соат сайин ошиб бормоқда. Мен ҳам ўқиганман, биз уч йил ўқиганмиз. Ҳозиргилар ўқимасдан оляпти. Нима Ўзбекистонда қонун йўқми?», — дейди Шавкат Мирзиёев.
Президент масъулларга бу каби муаммоларни бартараф қилиш учун ўқитиш тизимини тубдан такомиллаштириш борасида топшириқ берди.
«Ўқитмасдан ва ўргатмасдан гувоҳнома бериш жиноятига қарши жазони кучайтириш бўйича, бир ой муддатда қонунчиликка қўшимча киритиш юзасидан таклиф киритилсин», — дея давлат раҳбари Адлия вазирлигига топшириқ берди.
«Мамлакатимизнинг ҳудудий яхлитлиги, сарҳадларимиз дахлсизлигини таъминлаш муҳим вазифа.
Ҳеч кимга сир эмас — бугун жамиятда тинчлик ва барқарорликни сақлаш, мустақиллигимизни мустаҳкамлаш, мамлакатимизнинг ҳудудий яхлитлиги, сарҳадларимиз дахлсизлигини таъминлаш энг муҳим вазифа бўлиб турибди. Фақат самарали иқтисодий ислоҳотларгина мавжуд ижтимоий муаммоларни ечиш имконини беради», — деган президент.
Изоҳ (0)