Италия терма жамоаси мураббийлар штаби январь ойидаги йиғинлар учун кенгайтирилган таркибни эълон қилди.
Роберто Манчини «Адана Демирспор» ҳужумчиси Марио Балотеллини ҳам қайдномага киритди. Қайд этиш керак, 31 ёшли ҳужумчи 2018 йилнинг сентябрь ойидан буён терма жамоада ўйнамаётганди.
Аввалроқ Балотеллининг 4 йиллик танаффусдан кейин терма жамоага чақирилиши ҳақида хабар берилганди. Терма жамоадаги дебтютини 2010 йилда ўтказган Балотелли 2018 йилгача 36 ўйинда 14 та голни ўз ҳисобига ёздириб қўйган.
Балотелли 2021 йилдан бери Туркиянинг «Адана Демирспор» клуби шарафини ҳимоя қилиб келмоқда. 2021/22 йилги мавсумда у барча мусобақалар доирасида 20 та ўйинда майдонга тушиб, 8 та гол ва 4 та голли узатмага муаллифлик қилди.
Эслатиб ўтамиз, Италия терма жамоаси ЖЧ—2022 саралаши Европа минтақасида C гуруҳида Швейцариядан кейин 2-ўринни эгаллади. Эндиликда жамоа ўтиш ўйинларида қатнашади.
Италия терма жамоасининг январь ойидаги йиғинга чақирилган тўлиқ таркиби:
Дарвозабонлар: Марко Карнезекки («Кремонезе»), Алессио Крано («Кальяри»), Алекс Мерет («Наполи»), Салваторе Сиригу («Женоа»).
Ҳимоячилар: Алессандро Бастони («Интер»), Кристиано Бираги («Фиорентина»), Давиде Калабрия («Милан»), Жоржо Кьеллини, Маттиа Де Шило, Лука Пеллегрини (учаласи – «Ювентус»), Жованни Ди Лоренцо («Наполи»), Алессандро Флоренци («Милан»), Луис Фелипе («Лацио»), Жанлука Манчини («Рома»), Жоржо Скалвини, Рафаэл Толои (иккиси – «Аталанта»).
Ярим ҳимоячилар: Николо Барелла, Стефано Сенси (иккаласи ҳам «Интер»), Брайан Кристанте («Рома»), Николо Фажоли («Кремонезе»), Давиде Фраттези («Сассуоло»), Мануэль Локателли («Ювентус»), Маттео Пессина («Аталанта»), Самюэле Риччи («Эмполи»), Сандро Тонали («Милан»).
Ҳужумчилар: Марио Балотелли («Адана Демирспор»), Доменико Берарди, Жакомо Распадори, Жанлука Скамакка (учаласи – «Сассуоло»), Федерико Бернардески («Ювентус»), Чиро Иммобиле («Лацио»), Лоренцо Инсине («Наполи»), Жоао Педро («Кальяри»), Маттиа Закканйи («Лацио»), Николо Заниоло («Рома»).
Изоҳ (0)