Букингем саройи Елизеветта II тахт тепасига келганига 70 йил тўлиши муносабати билан ўтказилган байрам тантаналарининг дастурини эълон қилди.
Асосий тадбирлар 2–5 июнь кунлари ўтказилади ва мазкур тўрт кунлик Буюк Британияда дам олиш кунлари деб эълон қилинади. Тантаналарда анъанага кўра Лондон марказида парад бўлиб ўтади, Авлиё Павел қасрида махсус байрам тадбири, шунингдек Букингем саройида концерт ўтказилади.
Яна бошқа кенг миқёсли тадбирлар қаторига Буюк Британия тарихига бағишланган отлар намойишини киритиш мумкин, мазкур тадбирни 12 – 15 май кунлари Виндзор саройи ҳудудида ўтказиш режалаштирилган. Июль ойида Елизаветта II ҳукмронлиги даври ҳақидаги нур ва чироқли шоу ҳам намойиш қилинади.
95 ёшли қироличанинг ўзи юқорида санаб ўтилган тантанали тадбирларнинг қанчасида шахсан иштирок этиши ҳақида маълумотлар берилмаган.
Елизаветта II 1952 йил 6 февралда қирол Георг VI вафотидан кейин тахтга ўтирган. Қироличага тож кийдириш маросими 2 июнда бўлиб ўтган ва шундан бер ҳар йили анъанавий тарзда унинг тахт тепасига келгани ёз ойларида нишонланади.
Елизаветта II Буюк Британия тахтида монарх сифатида энг кўп бошқарганлар сифатида рекорд ўрнатган. Унга қадар Қиролича Виктория 62 йил давомида Буюк Британия тахтини бошқарган.
2021 йил 9 апрелда Буюк Британия қироличаси Елизавета II нинг турмуш ўртоғи шаҳзода Филипп 99 ёшида вафот этган, унинг дафн маросими 17 апрелга белгиланган, шу кунгача Британияда миллий мотам давом этганди. Елизавета II турмуш ўртоғининг вафотидан тўрт кун ўтгач, яна қироличалик мажбуриятларини бажаришни бошлаган.
Изоҳ (0)