АҚШда «Авраам Линколн» атом авиаташувчисининг (самолётлар учиш ва қўниши учун мосланган ҳарбий кема) биринчи аёл командири Эми Бауерншмидт ўз экипажини денгизга олиб чиқди, деб хабар беради Military.
Кема зарба бериш гуруҳи билан бирга Бауерншмидт раҳбарлиги остида Сан-Диегодан дунё океанининг режалаштирилган ҳудудига боради. Бауерншмидт авиаташувчи қўмондонлигини 2021 йилнинг август ойида қабул қилиб олганди.
Маълумотларга кўра, капитан ушбу кунга 27 йиллик меҳнати давомида эришган. Бауерншмидт 1994 йилда АҚШ Ҳарбий денгиз академиясини тамомлаган. Унинг класси битирувчилари биринчи бўлиб ҳарбий кемалар бортида хизмат қилиш рухсатини олган. 1996 йилда Бауерншмидт палубали авиация учувчиси этиб тайинланган. Унинг ҳисобида 3000 соатлик парвоз вақти мавжуд.
Изоҳ (0)