Австралия АҚШдан қиймати 2,5 миллиард доллар бўлган бронетехникани сотиб олиш юзасидан келишув имзолади. Бу ҳақда The Sydney Morning Herald хабар қилган.
Хусусан, Австралия армияси паркини модернизация қилиш лойиҳаси доирасида АҚШдан 75 дона М1А2 Abrams танклари сотиб олинади.
Австралия мудофаа вазири Питер Даттон янги техника 2007 йилда харид қилинган М1А1 эскирган танклари ўрнини эгаллашини билдирган. Шунингдек, Австралия 29 та М1150 миналаштириш машиналари, 17 та танк кўпригининг жойлагичи ва 6 дона зирҳланган таъмирлаш-эвакуация машиналарини сотиб олган.
Оғир артиллерия техникаларининг дастлабки партиясини етказиб бериш ишлари 2024 йилда амалга оширилади. Австралия ҳукумати яқин йиллар ичида ҳарбий техникага 30 дан 42 миллиард долларгача маблағ сарфламоқчи, дея қайд этган нашр.
Аввалроқ Австралиянинг яқин келажакда атом сувости кемалари учун 122 миллиард доллар сарфлаши ҳақида хабарлар тарқалганди.
Изоҳ (0)