Bukingem saroyi Yelizevetta II taxt tepasiga kelganiga 70 yil to‘lishi munosabati bilan o‘tkazilgan bayram tantanalarining dasturini e’lon qildi.
Asosiy tadbirlar 2–5-iyun kunlari o‘tkaziladi va mazkur to‘rt kunlik Buyuk Britaniyada dam olish kunlari deb e’lon qilinadi. Tantanalarda an’anaga ko‘ra London markazida parad bo‘lib o‘tadi, Avliyo Pavel qasrida maxsus bayram tadbiri, shuningdek Bukingem saroyida konsert o‘tkaziladi.
Yana boshqa keng miqyosli tadbirlar qatoriga Buyuk Britaniya tarixiga bag‘ishlangan otlar namoyishini kiritish mumkin, mazkur tadbirni 12 – 15-may kunlari Vindzor saroyi hududida o‘tkazish rejalashtirilgan. Iyul oyida Yelizavetta II hukmronligi davri haqidagi nur va chiroqli shou ham namoyish qilinadi.
95 yoshli qirolichaning o‘zi yuqorida sanab o‘tilgan tantanali tadbirlarning qanchasida shaxsan ishtirok etishi haqida ma’lumotlar berilmagan.
Yelizavetta II 1952-yil 6-fevralda qirol Georg VI vafotidan keyin taxtga o‘tirgan. Qirolichaga toj kiydirish marosimi 2-iyunda bo‘lib o‘tgan va shundan ber har yili an’anaviy tarzda uning taxt tepasiga kelgani yoz oylarida nishonlanadi.
Yelizavetta II Buyuk Britaniya taxtida monarx sifatida eng ko‘p boshqarganlar sifatida rekord o‘rnatgan. Unga qadar Qirolicha Viktoriya 62 yil davomida Buyuk Britaniya taxtini boshqargan.
2021-yil 9-aprelda Buyuk Britaniya qirolichasi Yelizaveta II ning turmush o‘rtog‘i shahzoda Filipp 99 yoshida vafot etgan, uning dafn marosimi 17-aprelga belgilangan, shu kungacha Britaniyada milliy motam davom etgandi. Yelizaveta II turmush o‘rtog‘ining vafotidan to‘rt kun o‘tgach, yana qirolichalik majburiyatlarini bajarishni boshlagan.
Izoh (0)