Наманган вилояти Чуст туманида ёш блогер танишини 150 минг сўм сабаб пичоқлаб ўлдирди. Бу ҳақда Олий суд хабар қилди.
Маълум қилинишича, ҳолат 2021 йилнинг 5 августида содир бўлган. М.Ш. исмли шахс YouTube, Instagram, TikTok платформаларида шахсий саҳифа очиб, рэпер таниши Р.А. (2001 йилда туғилган)дан 150 минг эвазига Instagram саҳифасидаги обуначилари сонини кўпайтириб беришини сўраган.
Улар орасида мазкур пул сабаб келишмовчилик юзага келган. М.Ш. Р.А. билан яшаш уйи олдида учрашиб, унга қасддан пичоқ урган.
Оқибатда жабрланувчи олган тан жароҳати сабаб шифохонада вафот этган.
Судланувчи М.Ш. Жиноят кодексининг 97-моддаси 2-қисми «и» банди (тамагирлик ниятида қасддан одам ўлдириш) билан айбли деб топилган. Унга нисбатан 17 йил муддатга озодликдан маҳрум қилиш жазоси тайинланган.
Изоҳ (0)