Тошкент шаҳри Олмазор туманида 6 январь куни йўловчи автобуси пиёдани босиб кетди. Бу ҳақда «Тошшаҳартрансхизмат» АЖ хабар қилди.
Маълум қилинишича, йўл-транспорт ҳодисаси 6 январь куни соат 19:50 атрофида Уста Ширин кўчасида содир бўлган. Isuzu русумли автобус ҳайдовчиси (1964 йилда туғилган, иш стажи — 35 йил) 43-сонли йўналишда ҳаракатланиб бораётиб, Жомий қурилиш бозори олдидаги светофорда тўхташ учун секинлашган. Шу вақт йўл қатнов қисмининг биринчи бўлагида кетаётган пиёда тўсатдан мувозанатни йўқотиб, автобус томонга йиқилган.
Оқибатда фуқаро воқеа жойида ҳалок бўлган. Дастлабки хулосага кўра, у маст бўлган.
Ҳозирда ЙТҲ бўйича дастлабки тергов ишлари олиб борилмоқда.
Изоҳ (0)