Forbes журнали 2021 йилда бойлиги сезиларли даражада камайган 10 нафар россиялик миллиардер рўйхатини эълон қилди. Рейтинг етакчиси сенатор Сулаймон Каримов бўлиб, унинг оиласи олтин қазиб олувчи «Полюс» компанияси акцияларининг 76,3 фоизига эгалик қилади.
Охирги бир йил ичида Каримов ва унинг оиласи олтин нархининг пасайиши фонида 5,99 миллиард доллар йўқотди. 20 декабрь ҳолатига кўра, журнал уларнинг бойлигини 14,92 миллиард долларга баҳолаган.
Рўйхатда иккинчи ўринни «Ренова» бизнес гуруҳи асосчиси Виктор Векселберг эгаллади, у 2018 йилдан бери АҚШ санкциялари остида. 2021 йил охирига келиб унинг бойлиги 2,93 миллиард долларга камайиб, 9,29 миллиард долларни ташкил этган. Рейтингнинг учинчи қаторида Домодедово аэропортининг асосий бенефициари Дмитрий Каменшчик (бойлиги 1,8 миллиард доллар) ўрин олди, у 668 миллион доллар йўқотган.
Тўртинчи ва бешинчи ўринларни «УГMК» акциядори Андрей Козицин (5,79 миллиард доллар; 615 миллион доллар йўқотган) ва «Система» акциядорлик молия корпорацияси директорлар кенгаши раиси Евгений Евтушенков (2,54 миллиард доллар; 414 миллион доллар йўқотган) эгаллади.
Энг камбағаллашган миллиардерлар ўнталигидан, шунингдек, қуйидагилар жой олган:
- Rambler Group собиқ акциядори Александр Мамут (бойлиги 2,26 миллиард доллар; 320 миллион доллар йўқотган),
- инвестор ва «Vimm-Bill-Dann» компаниясининг собиқ ҳаммуаллифи Гаврил Юшваев (1,92 миллиард доллар: -285 миллион доллар),
- Eurasia Drilling Company бош директори Александр Жапаридзе (970 миллион доллар; -241 миллион доллар),
- «Яндекс» компаниялар гуруҳи бош директори Аркадий Волож (2,3 миллиард доллар; - 231 миллион доллар),
- Crocus Group президенти Араз Агаларов (1,45 миллиард доллар; -226 миллион доллар).
Декабрь ойи бошида Forbes’нинг Америка версияси Бакалчук 2021 йилда бойлигининг ўсиш фоизи бўйича дунёдаги барча миллиардерлар орасида етакчига айланганини таъкидлаган. Журналистларнинг ҳисоб-китобларига кўра, унинг бойлиги 1000 фоиздан кўпроққа ошган.
Изоҳ (0)