29 декабрь куни Туркманистон президенти Гурбангули Бердимуҳамедов Ашхободнинг «Алем» боғига ўрнатилган Янги йил бош арчасини бориб кўрди. Арча олдига йиғилган Аяз Баба (Қорбобо), Гарпамик (Қорқиз) ва болалар давлат раҳбарини кириб келаётган 2022 йил билан табриклади. Туркманистон давлат ахборот агентлиги хабарида қайд этилишича, келаётган йил мамлакатда «Аркадағли халқ даври» шиори остида ўтади.
Хабарга кўра, боғда Бердимуҳамедов болаларнинг чиқишларини томоша қилган ва арча атрофида рақс тушган.
Кейинроқ Савдо-саноат палатаси биносида президент Бердимуҳамедовнинг фарзандлари ва неваралари, ҳукумат аъзолари ва амалдорлар, шунингдек, хорижий дипломатлар учун Янги йил базми бўлиб ўтган.
«Базм ‘Hoş geldiň täze yyl Arkadagly diýar’ («Хуш келибсиз, Аркадаг даврининг янги йили») қўшиғи билан умумбашарий байрам шодлиги ва бирдамлигининг юқори нотасида якунланди», — деб ёзади агентлик.
Телевидениеда намойиш этилган кўрсатувларга қараганда, Туркманистон раҳбарининг ўзи базмда иштирок этмаган.
Мавзуга доир:
- Гурбангули Бердимуҳамедов мунажжимлар башорати асосида 2022 йил учун тавсиялар берди
- Гурбангули Бердимуҳамедов Бетарафлик куни шарафига зиёфат уюштирди ва унда меҳмонларга янги ёзган шеърини ўқиб берди
- Гурбангули Бердимуҳамедов амалдорларга Туркманистонда Бетарафлик куни ва Янги йил байрамини муносиб тарзда ўтказишни буюрди
Изоҳ (0)