Forbes jurnali 2021-yilda boyligi sezilarli darajada kamaygan 10 nafar rossiyalik milliarder ro‘yxatini e’lon qildi. Reyting yetakchisi senator Sulaymon Karimov bo‘lib, uning oilasi oltin qazib oluvchi “Polyus” kompaniyasi aksiyalarining 76,3 foiziga egalik qiladi.
Oxirgi bir yil ichida Karimov va uning oilasi oltin narxining pasayishi fonida 5,99 milliard dollar yo‘qotdi. 20-dekabr holatiga ko‘ra, jurnal ularning boyligini 14,92 milliard dollarga baholagan.
Ro‘yxatda ikkinchi o‘rinni “Renova” biznes guruhi asoschisi Viktor Vekselberg egalladi, u 2018-yildan beri AQSh sanksiyalari ostida. 2021-yil oxiriga kelib uning boyligi 2,93 milliard dollarga kamayib, 9,29 milliard dollarni tashkil etgan. Reytingning uchinchi qatorida Domodedovo aeroportining asosiy benefitsiari Dmitriy Kamenshchik (boyligi 1,8 milliard dollar) o‘rin oldi, u 668 million dollar yo‘qotgan.
To‘rtinchi va beshinchi o‘rinlarni “UGMK” aksiyadori Andrey Kozitsin (5,79 milliard dollar; 615 million dollar yo‘qotgan) va “Sistema” aksiyadorlik moliya korporatsiyasi direktorlar kengashi raisi Yevgeniy Yevtushenkov (2,54 milliard dollar; 414 million dollar yo‘qotgan) egalladi.
Eng kambag‘allashgan milliarderlar o‘ntaligidan, shuningdek, quyidagilar joy olgan:
- Rambler Group sobiq aksiyadori Aleksandr Mamut (boyligi 2,26 milliard dollar; 320 million dollar yo‘qotgan),
- investor va “Vimm-Bill-Dann” kompaniyasining sobiq hammuallifi Gavril Yushvayev (1,92 milliard dollar: -285 million dollar),
- Eurasia Drilling Company bosh direktori Aleksandr Japaridze (970 million dollar; -241 million dollar),
- “Yandeks” kompaniyalar guruhi bosh direktori Arkadiy Voloj (2,3 milliard dollar; - 231 million dollar),
- Crocus Group prezidenti Araz Agalarov (1,45 milliard dollar; -226 million dollar).
Dekabr oyi boshida Forbes’ning Amerika versiyasi Bakalchuk 2021-yilda boyligining o‘sish foizi bo‘yicha dunyodagi barcha milliarderlar orasida yetakchiga aylanganini ta’kidlagan. Jurnalistlarning hisob-kitoblariga ko‘ra, uning boyligi 1000 foizdan ko‘proqqa oshgan.
Izoh (0)