Ижтимоий тармоқларда тарқалган «Жиззах сув таъминоти» МЧЖ ходими сув сизиб чиқаётган полиэтилен қувурни скотч ёрдамида ямаётгани акс этган видео тарқалди. «Ўзсувтаъминот» матбуот хизмати мазкур ҳолатга муносабат билдириб, бу вақтинча чора сифатида амалга оширилганини маълум қилди.
Видеодан кўриш мумкинки, сув таъминоти ходими сув сизиб чиқаётган полиэтилен қувурни скотчлашга уринган.
Қайд этилишича, мазкур ҳудудда пайвандлаш ишлари якунланиб бўлган. Видеолавҳадаги жараёнда пайвандлаш меъёрий қоидаларига асосан синаш ва текшириш ишлари олиб борилаётган бўлган. Тармоққа керакли босим берилганда носозлик аниқланган нуқталарга вақтинчалик скотчдан фойдаланган.
«Синаш ишлари якунига етгандан кейин тармоқдаги барча носозликлар чилангарлар томонидан пайвандлаш қоидаларига асосан якунига етказилган», — дейилади муносабатда.
Аввалроқ «Ўзсувтаъминот» Сирдарё ҳокимининг сув таъминоти учун ажратилган 7 млн доллар ўзлаштирилгани ҳақидаги баёнотини рад этгани, «Ўзсувтаъминот» фуқароларни уйма-уй юриб, ҳисоблагичларни текшириш учун пул талаб қилаётган фирибгарлардан огоҳлантиргани тўғрисида хабар берилганди.
Изоҳ (0)