Bugun,

  • USD 11014.01
  • RUB 191.8
  • EUR 10674.78

Ijtimoiy tarmoqlarda Toshkent shahridagi yo‘nalishli avtobuslardan birining eshigi polietilen va skotch bilan berkitilgani aks etgan surat tarqaldi. “Toshshahartransxizmat” AJ holat bo‘yicha rasmiy ma’lumot berdi.

Foto: “Podrobno.uz”

Foto: “Podrobno.uz”

Xabar qilinishicha, 19-noyabr kuni 13:30 atrofida “4-Avtobus saroyi” tasarrufidagi saroy raqami 19-bo‘lgan Mersedes-Bens LF 122-sonli yo‘nalishdagi avtobus haydovchisi O.M. Qo‘yliq massividan o‘z yo‘nalishi bo‘ylab harakatlanib, yerusti metrosi qurilishi olib borilayotgan qismidan o‘tayotganda avtobusning o‘rta eshigiga tosh kelib tegishi oqibatida transport vositasi eshigining oyna qismi sinib ketgan.

Ta’kidlanishicha, sovuq ob-havo kuzatilayotganini inobatga olib, yo‘lovchilarni o‘z manziliga yetkazish maqsadida avtobus haydovchisi singan eshik oynasini hodisa joyida polietilen paket bilan yopib, o‘z yo‘nalishi bo‘ylab avtobus shohbekatiga qadar harakatini davom ettirgan. Shundan so‘ng haydovchisi shikastlangan avtobusni avtobus saroyiga kiritgan hamda avtobus mutaxassislar tomonidan tezkorlik bilan ta’mirlanib, yo‘nalishga qaytib chiqarilgan.

Foto: “Toshshahartransxizmat” matbuot xizmati

Foto: “Toshshahartransxizmat” matbuot xizmati

Qayd etilishicha, hodisa oqibatida avtobusda harakatlangan yo‘lovchilarga zarar yetmagan.

Izoh
Asosiy yangiliklar
Dunyo
Nikaragua hukumati Niderlandiya bilan diplomatik munosabatlarni uzdi
Mahalliy
O‘zbekistonga eng ko‘p qaysi oziq-ovqat mahsulotlari import qilinayotgani aytildi
Mahalliy
Besh nafar tuman hokimi ishdan haydaldi, Bobolov jarimaga tortildi: “Daryo”da hokimlar uchun og‘ir kelgan hafta dayjesti