Uzbekistan Airways АЖ Янги йил байрами муносабати билан 31 декабрдан 4 январга қадар Ўзбекистон бўйлаб амалга оширилаётган ички рейслар авиачипталарига 30 фоиздан 50 фоизгача чегирмалар эълон қилди. Бу ҳақда Транспорт вазирлиги хабар қилди.
Маълум қилинишича, чегирмалар Ўзбекистон шаҳарлари ўртасидаги барча қатновларга амал қилади ва қуйидаги тоифадаги йўловчилар учун тақдим этилади:
- якка тартибдаги йўловчилар учун 30 фоиз;
- туристик гуруҳлар (5 ва ундан ортиқ киши), мактаб ўқувчилари, коллеж, лицей, ОТМ талабалари, ИИВ, МВ, ДХХ, ДСҚ, ДБҚ тизими талабалари ва тингловчилари, бошқа идоралар учун 40 фоиз;
- оила учун 50 фоиз (2 ва ундан ортиқ, яъни: эр-хотин ва уларнинг 18 ёшдан ошмаган фарзандлари, ота ва унинг 18 ёшдан ошмаган фарзандлари ёки она ва унинг 18 ёшдан ошмаган фарзандлари);
- нафақахўрлар учун 50 фоиз;
- ногиронлиги бор шахсларга 50 фоиз;
- 1941—1945 йиллар уруш қатнашчилари ва уларга тенглаштирилган шахсларга 50 фоиз;
- 1941—1945 йилларда уруш ва меҳнат фронтида кўрсатган фидокорлиги учун орден ва медаллар билан тақдирланганлар учун 50 фоиз;
- Чернобил АЭС ҳалокати оқибатларини олдини олишда иштирок этган иштирокчилар учун 50 фоиз.
Эслатиб ўтамиз, «Ўзбекистон темир йўллари» ҳам Янги йил муносабати билан чегирмалар эълон қилганди.
Изоҳ (0)