АОКАда Бош прокуратура ҳузуридаги Мажбурий ижро бюроси раҳбарияти иштирокида матбуот анжумани бўлиб ўтди. Унда МИБ органлари фаолияти таҳлили юзасидан ахборот берилди.
Маълум қилинишича, «МИБ-Портал» дастури 32 та ташкилотнинг 63 та йўналишдаги ахборот тизимларига интеграция қилинган. Судлар ва 52 та маъмурий органдан ижро ҳужжатларни электрон тарзда қабул қилиш йўлга қўйилган. Бюро ташкил топганидан буён ижро ишини юритиш соҳасида 77 триллион сўмдан ортиқ ундирув амалга оширилган. Шундан давлат фойдасига 32 триллион сўмга яқин маблағ ундирилган.
Жорий йилнинг ўтган даврида жами ундирув 21,7 триллион сўмни ташкил этган. Кўрсаткич 2020 йилнинг шу даврига нисбатан 10,4 триллион сўм ёки 92 фоизга ошган.
Моддий ёрдамга муҳтож фарзандлар фойдасига 2,5 триллион сўмдан ортиқ алимент пуллари ундирилган. Шунингдек, олиб борилган тушунтириш ишлари ҳамда ваколат доирасида кўрсатилган амалий ёрдам натижасида 17 минг 800 дан ортиқ оила яраштирилган, 29 мингдан ортиқ алимент тўловчининг иш бандлиги таъминланган.
Қидирув соҳасида 4555 нафар шахс, 3073 та автотранспорт воситалари топилиб, қарздорлардан 16 миллиард сўмдан ортиқ қарздорликлари ундирилган.
Бундан ташқари, ижтимоий эҳтиёжманд қатламга манзилли ёрдам кўрсатиш бўйича «Темир дафтар», «Аёллар дафтари» ва «Ёшлар дафтари»га киритилган фуқароларга 511,5 миллиард сўмдан ортиқ маблағ ўтказиб берилган.
Изоҳ (0)