АҚШ ҳукумати Россиянинг Украинага босқини юз берган тақдирда, қўшимча чекловлар, жумладан, Россияга экспортни чеклаш бўйича «фавқулодда» чораларни кўриб чиқмоқда. Бу ҳақда АҚШ президенти Жо Байден маъмуриятининг исми ошкор этилмаган ходимига таяниб, Reuters хабар берди.
Бундай чора-тадбирлар сифатида телефонлар, авиация ва автомобилнинг асосий компонентлари ҳамда «кўплаб бошқа соҳаларда зарур» материаллар етказиб беришни тақиқлаш муҳокама қилинмоқда, деган агентлик манбаси. Унинг сўзларига кўра, бу чоралар аввал кўриб чиқилган чекловларга қўшимча равишда таклиф қилинган.
Декабрь ойида CNN ва Bloomberg АҚШ Россияга қарши «тажовузкор» иқтисодий санкциялар пакети бўйича музокаралар олиб бораётгани, потенциал санкциялар пакети Россия президенти Владимир Путиннинг атрофидагилар, россиялик олигархлар, банклар ва энергетика компанияларига қарши чораларни ўз ичига олгани ҳақида хабар берганди. Шунингдек, Россияни SWIFT банклараро маблағ ўтказиш тизимидан узиб қўйиш, рублни бошқа валюталарга конвертация қилиш бўйича чекловлар версияси ҳам кўриб чиқилган.
Украина атрофидаги вазият 7 декабрь куни Россия ва АҚШ президентлари Владимир Путин ва Жо Байден ўртасидаги онлайн музокараларда муҳокама қилинган эди. Байден Путинни Россия Украинага бостириб кирган тақдирда «кескин иқтисодий ва бошқа чоралар» ҳақида огоҳлантирган. Путин, ўз навбатида, НАТОни «Украина ҳудудини босиб олишга бўлган хавфли уринишлар»да айблаган ва альянснинг шарққа томон кенгайиши тўхтатилишига кафолат талаб қилган.
Мавзуга доир:
- Украина Россия босқинига учраса АҚШ қўшинларини НАТОнинг шарқий қанотига юборади — Байден
- АҚШ КХДР сабаб Россиядаги ОТМга нисбатан санкция қўллади. Институтда талабаларга «инсон онгига таъсир кўрсатиш» ва «мунажжимлик менежменти» ўргатилади
- WSJ: АҚШ Европадаги ҳарбий ўқувларини чеклаши ёки Россияга қарши санкциялар қўллаши мумкин
Изоҳ (0)