Мьянмадаги Пхакан шаҳарчасидаги нефрит қазиб олиш карерида содир бўлган кўчки оқибатида 100 га яқин одам бедарак йўқолди, ўн киши ҳалок бўлган бўлиши мумкин. Бу ҳақда Irrawaddy нашрига таяниб, «РИА Новости» хабар берди.
«100 дан ортиқ пудратчи ва қимматбаҳо тош изловчи 12 декабрь куни Качин штатидаги Пхакан шаҳарчасидаги кўчкидан кейин бедарак йўқолди. Камида 10 киши ҳалок бўлгани тахмин қилинмоқда», — деб ёзади нашр.
Ҳалокатли кўчкилар Пхакан ҳудудидаги нефрит карерида тез-тез содир бўлиб туради. Чунки мамлакат томонидан қўшни мамлакат, биринчи навбатда, Хитой бозорига етказиб бериладиган нефрит ва жадеитнинг (яшил рангли минерал) асосий қисми шу ердан қазиб олинади.
Оғир машиналар ишлайдиган карерлар маъмурияти алоҳида кончиларнинг ишлашига ҳам рухсат беради. Улар карер тупроқларига ўтириб олиб, техника томонидан ўтказиб юборилган тошларни қидиради. Кўчкилар вақтида карерда, асосан, якка тартибдаги кончилар ҳалок бўлади.
Эслатиб ўтамиз, 2019 йилда Мьянмада содир бўлган кўчки оқибатида 51 киши, 2015 йилги кўчкиларда эса 99 киши ҳалок бўлганди.
Изоҳ (0)