Франциянинг Ҳинд океанида жойлашган Реюнон оролида 22 декабрь, чоршанба куни Питон-де- ла-Фурнез вулқони отилишни бошлади. Бу ҳақда Питон-де-ла-Фурнез вулқоншунослик обсерваториясига таяниб, «Корреспондент. нет» хабар берди.
«Питон-де-ла-Фурнез вулқонининг отилиши бугун, 22 декабрь куни соат 03:30 атрофида (Тошкент вақти билан 04:30) бошланди. Вулқоннинг жанубий ёнбағрида камида 3 та лава ёриғи очилди», — дейилади мутахассислар коммуникесида.
Орол ҳукумати Па-де-Белкомб кузатув майдончасига киришни, шунингдек, вулқон яқинида самолётларнинг қўнишини вақтинча тақиқлади.
Эслатиб ўтамиз, 19 сентябрь куни Канар ороллари таркибига кирувчи Испаниянинг Палма оролидаги Камбре-Веха вулқони отилишни бошлаганди. Ўшанда етти мингдан ортиқ одам эвакуация қилинган, уч мингга яқин бино вайрон бўлган. Вулқон 15 декабрга келибгина отилишдан тўхтаган. 3 ой тинмаган вулқон оролни таниб бўлмас даражада ўзгартирган.
Изоҳ (0)