Кўпчилик бола тарбияси билан асосан оналар шуғулланади деб ўйлайди. AdMe нашри ушбу фикрнинг ўзгаришига ҳисса қўшадиган фотоларни эътиборингизга ҳавола қилади.
Райан Рейнолдс
Аксарият сайтлар Райанни «йил отаси» деб аташни яхши кўради. У қизи билан бирга саҳар соат 6 да кўчага сайр қилгани чиқиши, Instagram саҳифасида эса оталик ҳаёти билан боғлиқ ҳақиқатларни тан олиши мумкин. Актёр уч нафар қизи борлигидан фахрланади.
Бредли Купер
Бредли 2017 йил ота бўлганидан буён фарзанди унинг ҳаётининг мазмуни эканини бир неча марта такрорлаган. Опра Уинфри билан суҳбати давомида Купер, қизининг ўз отасига ўхшашини маълум қилган. Оталик ҳақида гап кетганда актёр қизи томоша қиладиган мультфильмлардаги севимли қўшиқларни ёддан билишини таъкидлаган.
Шаҳзода Гарри
Гаррининг фарзандлари билан тушган суратини топиш бироз мушкул. Ҳатто қироллик оиласи вакили сифатида ўз мажбуриятларидан соқит бўлганига қарамай, Гарри ва Меган бошқа ота-оналар сингари фарзандларининг сурати билан бўлишмайди. Аммо расмий фотокарталарда унинг оталарга хос меҳрли нигоҳ билан қарашини пайқаш қийин эмас.
Криштиану Роналду
Футбол юлдузи Instagram саҳифасида тез-тез фарзандлари билан тушган суратини жойлаб туради. Унда спортчи дам олаётгани, ўйнаётгани ва шунчаки 4 нафар фарзанди билан ҳордиқ чиқараётганини кўриш мумкин. 2021 йилнинг октябрида Криштиану такрор эгизак фарзандларнинг отаси бўлиши ҳақида маълум қилган.
Жуд Лоу
Олти нафар фарзанднинг отаси бўлган Жуд, ўғиллари билан биргаликда харид қилишни яхши кўради. 2020 йилда туғилган кенжатойини айтмаганда, унинг қолган фарзандлари аллақачон улғайиб бўлган.
Дэвид Бекҳэм
Дэвид нафақат футболчи, балки фарзандларига нисбатан яхши ота сифатида ҳам мухлислар қалбидан алоҳида жой олган. У ижтимоий тармоқларда нафақат ўзига хос оилавий суратлари, балки фарзандларининг муваффақиятлари билан ҳам бўлишиб туради.
Гордон Рамзи
5 нафар фарзанднинг отаси бўлган Гордон, ошпазликни қотиришдан ташқари, дилбандларига ҳам етарлича эътибор беради. TikTok’да унинг тўнғич қизи Матилда Гордон билан бирга рақс тушган видеоларини топиш мумкин.
Орландо Блум
Икки нафар фарзанди Флинн ва Дейзининг оналари бошқа-бошқа экани, уларнинг ёшида 10 ёш фарқ борлигига қарамай, Orlando уларнинг ҳар бирига вақт топишга ҳаракат қилади. Шунингдек, у болалари билан вақт ўтказиш унга завқ беришини таъкидлашдан тўхтамайди.
Брэд Питт
Актёр асраб олган болаларига ҳам худди ўзиники сингари бир хил муносабатда бўлади. У фарзанд катта қилиш уни ҳар куни қувонишига сабаб бўладиган ҳақиқий мўъжиза эканини таъкидлайди.
Норман Ридус
Норманнинг фарзандлари билан камдан-кам кўриниш беришига, оиласи учун етарлича вақт ажратмаслигини билдирмайди. Қизи учун пушти мотоцикл ясаб берган Ридус, бўш вақтида у билан сайр қилишни хуш кўради.
Крис Хемсворт
Фарзандларини мотоциклда сайр қилдирадиган Крис, қизига скейт учишни ўргатади ҳатто. Кунлардан бир куни отасининг фильмлардаги образидан илҳомланган ўғли, унга супермен бўлишни исташини айтган. Актёр Instagram саҳифасида бу ҳақида ҳазиломуз тарзда: «Яхши ҳамки менинг яна иккита фарзандим бор», — деб ёзган.
Изоҳ (0)