«Барселона» клуби ва Аргентина терма жамоаси ҳужумчиси Серхио Агуэро юрагидаги муаммо сабаб футболчилик фаолиятини якунлаганини маълум қилди.
Агуэро хайрлашув мактубини ёзди ва унда барчага миннатдорчилик билдириб, ўзининг дил изҳорларини билдирди:
Яна бир бор ўйнаш имконияти учун боримни берардим. Аммо охирги текширувлардан сўнг шифокорлар профессионал футболдаги фаолиятимни якунлашни маслаҳат берди. Қарор қабул қилишим учун уларнинг сўзлари етарли бўлди. Бундай ҳолатда фаолиятни якунлаш оғир, лекин ҳаёт биринчи ўринда туради.Ижтимоий тармоқларда футбол жамоатчилиги Серхиони қўллаб-қувватлаб, у билан хайрлашди.Футбол менга ўргатган нарсалардан бири — мағлубият ғалабани олиб келиши мумкин. Ҳозир бу ўзгармайди. Албатта, бу оғриқли, лекин фожиа эмас. Бошқача ҳолат бўлганда фожиа бўларди. Мен ўйнашим мумкин бўлган келажак ҳақида эмас, мўъжизавий ўтган 18 йилим ҳақида ўйлайман.
Йилдан йилга иштиёқ ва фидойилик билан ишлаганим каби ажойиб фаолиятим ўзим билан қолади. Болалигимда ўйнаган жамоалар, шунингдек, «Индепентенте», «Атлетико», «Манчестер Сити», «Барселона», Аргентина термаси — мен учун қадрли бўлган барчасига меҳр ва ғамхўрликни сақлаб қоламан.
Барча тўсиқларга қарамасдан мени қўллаб-қувватлаган мухлислардан миннатдорман. Сизнинг ёрдамингиз мени кучлироқ қилди.
Энг яхши шароитларда фаолиятимни ривожланишига ҳисса қўшган барча мураббийлар, жамоадошларим, ходимлар, физиотерапевт ва менежерларга раҳмат демоқчиман. Айниқса, доим мен тарафда бўлган оилам ва дўстларимга миннатдорчилик билдираман. Ундан ташқари мен билан 14 йил давомида бирга ишлаган агентларимга ҳам раҳмат.
Ҳаёт давом этади ва олдинда ҳали кўп нарса бор. Менда аввалгидан фарқ қиладиган янги босқич бошланяпти. Лекин ҳар доимгидек позитив кайфият, иштиёқ ва хурсандчилик билан давом этаман.
Серхио Агуэро, «Барселона» ҳужумчиси
«Барселона» президенти Хоан Лапорта: «Биз сени «Барселона»да кўпроқ қолишингни хоҳлагандик, аммо тўғри қарор қабул қилдинг. Сенга энг яхши тилакларни тилаймиз!»
https://www.instagram.com/p/CXghv8grOJf/
Энг яқин дўсти Лионель Месси: «Деярли бутун фаолиятимиз давомида бирга эдик, Кун... Бизнинг ажойиб лаҳзаларимиз ва омадсиз кунларимиз бўлди, лекин булар бизни бирлаштирди ва дўстга айлантирди. Майдондан ташқари ҳаётда бу лаҳзаларда яшашни давом эттирамиз.
Яқиндагина қўлга киритилган Америка Кубогидаги қувончлардан сўнг, Англиядаги эришган ютуқларингдан сўнг... Албатта, энг севган ишинг билан энди шуғуллана олмаслигингни кўриш оғриқли. Сен бахтли инсонсан, чунки бахтни бошқаларга улашасан. Сени яхши кўрадиган инсонлар бундан кейин ҳам ёнингда бўлади. Энди ҳаётингда янги босқич бошланяпти. Буёғига ҳам табассум билан давом этишингга ишонаман.
Ҳаётингнинг янги босқичида омад тилайман! Сени жуда яхши кўраман, дўстим. Майдонда ўрнинг билинади, терма жамоадаги вақтларимизни соғинаман!».
https://www.instagram.com/p/CXgSATFsg7K/
УЕФАнинг расмий Instagram саҳифаси: «Фантастик фаолият билан табриклаймиз, Агуэро. Кейинги ҳаётда омад тилаймиз!».
https://www.instagram.com/p/CXgy0M7M6Ok/
«Манчестер Сити» бош мураббийи Пеп Гвардиола: «Марадона Италияни забт этди, Месси Испанияни, Агуэро эса Англияда буни уддалади. Унинг натижалари буни исботлайди. Агуэрога ўхшаб, футболчининг ичида олов ёнса, бир ўзи ўйин тақдирини ҳал қилади».
Собиқ жамоадоши, «Манчестер Сити» футболчиси Кевин де Брюйне: «Барча даврларнинг энг яхши ҳужумчиларидан бири! Кейинги фаолиятингга омад тилайман. Кўришгунча».
https://www.instagram.com/p/CXgL50Ztgys/
«Манчестер Сити» матбуот хизмати: «Қирол Кун. ‘Манчестер Сити’нинг ҳар бир аъзоси Серхио Агуэрони охирги ўн йилдаги муваффақиятли фаолияти учун миннатдорлик билдиради ва унинг кейинги ҳаётида омад тилайди!».
https://www.instagram.com/p/CXgHXqPI59S/
«Барселона» ва Аргентина терма жамоасининг собиқ футболчиси Хавьер Маскерано: «Хосе (Пакерман) сени жамоага чақирган кунидан бошлаб бошқача эканлигингни англагандик. Сен билан бирга ўйнаш шараф, лекин ундан ҳам кўпроқ сенинг буюк инсон эканлигингни билиш! Майдонда ва унинг ташқарисида биз билан ўтказган ажойиб лаҳзаларинг учун ташаккур. Сени яхши кўраман, дўстим».
https://www.instagram.com/p/CXgwgaOPI9O/
«Реал» матбуот хизмати: «Сендек футболчига қарши ўйнаш шараф. Дунёдаги энг яхши футболчилардан бири. Сенга ва оилангга омад тилаймиз».
https://www.instagram.com/p/CXgJjr0IHUQ/
Собиқ жамоадоши Винсент Компани: «Фавқулодда ажойиб ҳужумчи фаолиятини якунлаяпти. У нафақат яхши жамоадош, дўст ва ноёб шахс. Ҳақиқий ‘Манчестер Сити’ феноменига раҳмат ва ҳурмат. Сенга энг зўр афсона бўлишдан бошқа нарса тиламайман».
https://www.instagram.com/p/CXgeNmoM39x/
Изоҳ (0)