«Барселона» клуби ва Аргентина терма жамоаси ҳужумчиси Серхио Агуэро юрагидаги муаммолари сабаб футболчилик фаолиятини якунлаганини маълум қилди.
У бу қарорини «Камп Ноу»да ташкил этилган матбуот анжуманида эълон қилди. У бу жараёнда кўз ёшларини тия олмади.
Ушбу матбуот анжумани футболчилик фаолиятимни якунлашга қарор қилганимни айтиш учун.2021 йил 30 октябрь куни Испания чемпионати доирасида «Алавес»га қарши учрашувда (1:1) Серхио Агуэро юрагидаги муаммо сабабли захирага олинганди. «Барселона» матбуот хизмати футболчининг аҳволи яхши эканлиги, аммо 3 ой давомида футбол ўйнай олмаслиги ҳақида маълумот берган эди. Агуэрога юрак тахикардияси ташхиси қўйилди ва у энди майдонга қайта олмаслиги аниқ бўлди.Бу жуда қийин вақт, лекин мен қабул қилган қарордан мамнунман. Бу мен бир ой олдин дуч келган муаммога боғлиқ. Бу менинг соғлиғим ҳақида.
Серхио Агуэро, собиқ футболчи
Кун Агуэро фаолиятини Аргентинанинг «Индепенденте» жамоасида бошлаган. 2003 йилдан 2006 йилга қадар ушбу жамоада тўп сурган ҳужумчи 56 та ўйинда 23 та гол уришга муваффақ бўлган. Бу эса Европанинг етакчи жамоалари қизиқишига сабабчи бўлганди.
2006 йилда Испаниянинг «Атлетико» жамоаси Агуэрони харид қилади. Кун «матрасчилар» сафида 234 ўйинда 101 та гол урган.
2011 йилда аргентиналик ҳужумчи «Манчестер Сити» сафига бориб қўшилади. Инглиз жамоаси сафида 390 ўйинда 260 та гол уриб, «шаҳарликлар» тарихидаги энг яхши тўпурарга айланди.
«Манчестер Сити» билан шартномаси якунига етган Агуэро 2021 йилда «Барселона»га ўтади. Серхио «кўк-анорранглилар» сафида 3 та ўйинда иштирок этиб, 1 та голни ўз ҳисобига ёздириб қўйди.
Серхио Агуэро Аргентина терма жамоаси сафида 101 та ўйинда иштирок этиб, 42 марта рақиблар дарвозасини ишғол қилган. Терма жамоа билан бирга 2008 йилда Пекин Олимпиадаси олтин медалини қўлга киритган, 2021 йилда эса Америка Кубоги ғолибига айланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)