Бугун,

  • USD 11095.31
  • RUB 173.84
  • EUR 10772.44

Ижтимоий тармоқларда Қашқадарё вилоятининг Чироқчи туманидаги «Хўжа Абдужаббор» қишлоғида ер чўғ бўлиб ёнаётгани айтилган видео тарқалди. Вилоят Экология бошқармаси мазкур ҳолатга муносабат билдириб, чўғ ер остида қолиб кетган қамишлар қизиши ва чириши натижасида юзага келганини маълум қилди.

Фото: Қашқадарё вилояти Экология бошқармаси ахборот хизмати

Фото: Қашқадарё вилояти Экология бошқармаси ахборот хизмати

Маълум қилинишича, Чироқчидаги «Хўжа Абдужаббор» қишлоғи ҳудудида жойлашган ердан чиқаётган тутун туман назорат инспекцияси инспекторлари, туман фавқулодда вазиятлар бўлими, «Ҳудудгаз таъминот» туман филиали ходимлари томонидан ўрганилган. Ўрганиш жараёнида тахминан 10 сотих ер майдон аввал ёниб ўчгани ва ҳозирда кунда тахминан шунча майдон устидан тутун чиқиб, атрофга бадбўй ҳид тарқатаётгани кузатилган.

Ўрганиш давомида ушбу қишлоқда яшовчи оқсоқоллар бу жой тахминан 50-70 йиллар олдин чуқурлик ва қамишзор бўлганини, йиллар ўтиб қамишлар устига тупроқ ёпилиб кетганини таъкидлаган.

Ушбу ҳолат бўйича Геология соҳаси мутахассисларининг ўрганиш ўтказиб хулосалари тақдим қилингунга қадар, дастлабки хулоса ер остидаги қолиб кетган қамишлар қизиши ва чириши натижасида ушбу ҳолат юзага келгани бўйича дастлабки хулоса қилинган.

Изоҳ
Асосий янгиликлар
Маҳаллий
Фарғонада аёл ўзини ИИБ биноси олдида ёқиб юбормоқчи бўлди
Дунё
Америкаликлар «Қора жума»да онлайн харидларга рекорд даражада кўп пул сарфлади
Маҳаллий
Тошкентда маданият уйи ёнгани рад этилди. У ерда ходимлар шашлик пишириш учун кўмир ёққан (видео)