Фарғона вилоятининг Марғилон шаҳрида содир бўлган йўл-транспорт ҳодисаси оқибатида бир киши ҳалок бўлди. Бу ҳақда вилоят ИИБ ЙҲХБ ахборот хизмати «Дарё»га маълум қилди.
Маълум қилинишича, 14 декабрь куни соат 19:30 ларда фуқаро Т.Э. (1991 йилда туғилган) Damas автомашинасини Марғилон шаҳар Аҳмад Яссавий кўчасида бошқариб кетаётиб, қарама-қарши томондан ҳаракатланиб келаётган Н.С. (2000 йилда туғилган) бошқарувидаги Cobalt билан тўқнашиб кетган.
ЙТҲ натижасида ҳар икки автомашинада ёнғин содир бўлиши оқибатида Damas ҳайдовчиси Р.Х. машина ичида ёниб кетиб, ҳодиса жойида вафот этган.
Мазкур ҳолат юзасидан Марғилон шаҳар ИИБ ҳузуридаги тергов бўлими томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда суриштирув ишлари олиб борилмоқда.
Аввалроқ Tashkent City яқинида Orlando ёниб кетгани, Тошкентда 47-йўналишда қатнайдиган Mercedes автобусида ёнғин чиққани тўғрисида хабар берилганди.
Изоҳ (0)