Президент Шавкат Мирзиёев бошчилигида ўтказилаётган видеоселектор йиғилишида янги кўп тармоқли Эндокринология марказида 20 дан зиёд юқори технологик амалиётлар йўлга қўйилиши маълум қилинди. Бу ҳақда «Дарё» мухбири хабар қилди.
Бунда гормонал ва минерал бузилишлар (остеопороз), эндокрин гинекология, репродуктив, онко, нейро ва офталмоэндокринология, нефрология, кардиодиабет ва интервенсион хирургия каби йўналишлар ташкил этилади.
Соғлиқни сақлаш вазирлигига Россия ва Европанинг нуфузли тиббиёт ташкилотларида ҳар йили камида 50 нафар шифокор малакасини оширишни таъминлаш вазифаси топширилди.
Марказ ўз йўналишида «илмий-инновацион муассаса»га айлантирилади, докторантура квоталари 2 бараварга оширилади.
«Инновация вазирлиги йoд танқислиги, ортиқча вазн, метаболик синдром, аёллар касалликлари, болалар эндокринологияси бўйича янги илмий-тадқиқот йўналишлари учун мақсадли грантлар ажратсин», – дейди президент.
Барча вилоят, туман ва шаҳар ҳокимлари берилган топшириқлар ижросини самарали ташкил этиб, ўз ҳудудида эндокринология соҳасини ривожлантиришга шахсан масъул ва жавобгар бўлиши таъкидланди.
Мавзуга доир:
- Шавкат Мирзиёев: «Ҳар бир ҳудуддаги саломатлик мактабларида маҳаллалардаги беморлар, диабетга мойиллиги бор, ортиқча вазнли аҳолига касалликни бошқариш ўргатилади»
- Шавкат Мирзиёев эндокрин касалликларининг оғир оқибатлари, асосан, Ўзбекистоннинг қайси ҳудудлари ҳисобига тўғри келишини айтди
- «Туманларда шароит ва мутахассислар малакаси етишмаслиги оқибатида, диабетнинг оғир асоратлари бўйича мурожаатлар ошган» – Шавкат Мирзиёев
Изоҳ (0)